Паррандалар нафақат гўшти, тухуми, балки пати учун ҳам боқилади. Бу соҳа ҳозирга келиб чорвачиликдаги асосий йўналишлардан бирига айланиб улгурди. Бунинг сабаби – парранда боқиш катта харажат талаб қилмайди, сақлаш иншоотлари жуда оддий. Мутахассислар фикрича, иқтисодий етакчи давлатларда ҳам паррандачиликка катта эътибор қаратилади. Чунки айнан паррандачилик аҳолини гўшт, умуман, озиқ-овқат маҳсулотларига бўлган талабини қондиришда асосий аҳамият касб этади, шунингдек, аҳолини иш билан банд бўлишига ҳисса қўшади.

^{Фото: Микрокредитбанк}

Тошкент вилояти Юқоричирчиқ туманида жойлашган “Зохид Агро” масъулияти чекланган жамияти “Микрокредитбанк” АТБ Ғазалкент БХО билан ҳамкорликда паррандачилик йўналишидаги қатор лойиҳаларни амалга оширмоқда. Мазкур корхона фаолияти билан танишиш учун бир гуруҳ ОАВ вакиллари учун пресс-тур ташкил этилди.

^{Фото: Микрокредитбанк}

Корхона 2018 йилда ташкил этилган бўлиб, асосий фаолият йўналиши паррандачиликни ривожлантиришдан иборат. Ҳозирда корхонада 15 нафар доимий ишчи меҳнат қилмоқда, яқин келажакда яна 10 та мавсумий иш ўрни яратилади. “Зохид Агро” МЧЖ Микрокредитбанк билан ҳамкорликда қатор инвестиция лойиҳаларини амалга оширди:

• 2024 йил май ойида 4,5 млрд сўмлик кредит асосида замонавий асбоб-ускуналар ва доривор воситалар харид қилинди;

• 2024 йил декабрь ойида 4,5 млрд сўм кредит асосида витамин ва ем-хашак таъминоти йўлга қўйилди;

• 2025 йил апрель ойида 1 млрд сўмлик кредит ҳисобидан корхонага қуёш панеллари ва замонавий жиҳозлар ўрнатилди.

^{Фото: Микрокредитбанк}

Корхона йиллик 80-90 минг бош бройлер жўжа етиштириш имкониятига эга бўлиб, бу йиллик 200-250 тонна гўшт маҳсулотини ишлаб чиқаришга хизмат қилади. Умумий қувват эса йилига 600 тоннадан ортиқни ташкил этади.

^{Фото: Микрокредитбанк}

“Зохид Агро” МЧЖнинг мазкур лойиҳалари ҳудудда янги иш ўринлари яратиш, аҳоли бандлигини таъминлаш ҳамда ички бозорни сифатли гўшт маҳсулотлари билан таъминлашда муҳим аҳамиятга эга.

Маълумот учун, “Зохид Агро” МЧЖ – паррандачилик соҳасида фаолият кўрсатаётган маҳаллий ишлаб чиқарувчи ҳисобланади. Корхона Микрокредитбанк билан ҳамкорликда қатор лойиҳаларни амалга ошириб, юртимиз ва вилоят иқтисодиёти ривожига ҳисса қўшиб келмоқда. Жорий йилнинг ўтган даврида банк томонидан 29 та паррандачилик хўжалигига 267,4 млрд. сўм кредит маблағлари ажратилиб, 639 та янги иш ўринлари яратилди. Ушбу кредитларнинг 103,7 млрд. сўми янгидан ташкил этилган лойиҳаларга ва 163,7 млрд. сўми кам қувватда ишлаётган паррандачилик хўжаликларига йўналтирилди.

Ҳамкорлик асосида