Навоий вилояти Қизилтепа туманида фаолият юритаётган “Қизилтепа парранда кластери” МЧЖ паррандачилик орқали катта даромад қилмоқда. Корхона ҳозирда Қизилтепа тумани Ғойибон МФЙ ҳудудида жойлашган бўлиб, бир вақтнинг ўзида 20 минг бош бройлер жўжани парваришлаш имкониятига эга. Аҳолини сифатли гўшт маҳсулотлари билан таъминлаш мақсадида корхона кооперация усулида хонадонларга парранда тарқатиш ва етиштирилган паррандаларни қабул қилиш тизимини йўлга қўйган.

^{Фото: “Микрокредитбанк” АТБ}

Корхона кооперация усулида Бухоро вилоятининг Ғиждувон ва Когон туманлари, Самарқанд вилоятининг Пахтачи, Нарпай ва Каттақўрғон туманларидаги 100 дан ортиқ хонадонлар билан шартнома асосида ҳамкорлик қилмоқда. Бу нафақат аҳолига қўшимча даромад манбаи, балки маҳаллий бозорни парранда гўшти билан таъминлашда муҳим омил бўлмоқда, десак адашмаймиз.

^{Фото: “Микрокредитбанк” АТБ}

Лойиҳани янада кенгайтириш ва замонавийлаштириш мақсадида “Микрокредитбанк” АТБ томонидан 1 миллиард 200 миллион сўм миқдорида кредит маблағи ажратилган эди. Ажратилган маблағ ҳисобидан:

 • Етиштирилган маҳсулотни сақлаш учун музлатгичли омборхона қурилди;

 • Тайёр маҳсулотларни бозорларга тез ва хавфсиз етказиш мақсадида ISUZU юк автомашинаси сотиб олинди.

^{Фото: “Микрокредитбанк” АТБ}

Таъкидлаш керакки, охирги 2 йилда “Микрокредитбанк” АТБ томонидан 330 та хўжаликка 1,2 трлн. сўм (шундан, ПҚ-5146-сон қарорига асосан 763 млрд. сўм ҳамда банк ўз маблағлари ҳисобидан 459 млрд. сўм) кредит ажратилиб, 173 та корхона соғломлаштирилди. Жумладан, жорий йилнинг январ-июн ойларида 20 та лойиҳага 190,1 млрд. сўм кредитлар ажратилди. Ушбу кредитларнинг 102,5 млрд. сўми янгидан ташкил этилган лойиҳаларга ва 87,6 млрд. сўми кам қувватда ишлаётган паррандачилик хўжаликларига йўналтирилди.

Ҳамкорлик асосида