Ipoteka Bank OTP Group илғор келажакка интилган ҳолда, Ўзбекистонда биринчи бўлиб сунъий интеллект ва маълумотлар соҳасида кенг миқёсда ходимларни малакасини ошириш лойиҳасини йўлга қўйди. Минтақада илғор халқаро тажриба ва билимларни тақдим этишга қаратилган ушбу лойиҳа OTP Group'нинг рақамли ечимлар бўйича халқаро ҳамкори Shiwaforce билан ҳамкорликда олиб борилмоқда.  

Pulze дастури икки асосий йўналишни қамраб олади:

• AI Fundamental — банк соҳасида сунъий интеллектни қўллашнинг амалий усуллари.

• Data Fundamental — маълумотлар билан мақсадли ва самарали тарзда ишлаш кўникмалари.

Лойиҳа доирасида дастлабки бир гуруҳ ходимлар ўқишни муваффақиятли тугатишга муваффақ бўлишди. Келажакда Бош офис ҳамда филиаллар ходимлари лойиҳа доирасида ўқитилиши кўзда тутилган.

Pulze — бу Ipoteka Bank OTP Group нинг барча ходимлари учун AI ва Data соҳасидаги илғор халқаро тажриба ва билимларни ўрганиш имкониятидир. Лойиҳа доирасида фронт-офис ходимларидан то IT бўлими мутахассисларигача барча ходимларни ўқитиш мақсад қилинган. Ушбу лойиҳа ёрдамида ходимлар нафақат техник маҳоратини, балки рақамли давр талабларига мос тафаккур ва дунёқарашларини ҳам такомиллаштира оладилар.

Биз банкнинг ҳар бир ходими янги рақамли технологиялар оламида ўзини ишончли ва эркин ҳис қилишини хоҳлаймиз. Бу бизга тезроқ, аниқроқ ва самаралироқ ҳаракат қилиш имконини беради, яъни мижозларимиз учун янада каттароқ қиймат яратишга ёрдам беради. Pulze — бу фақатгина таълим эмас, балки рақамли трансформасиямиз пойдевори ва умумий келажакка қилинган сармоядир», — деди Ipoteka Bank OTP Group Бошқаруви раиси Сандро Ртвеладзе.

Ipoteka Bank OTP Group Ўзбекистонда шу каби кенг қамровли таълим лойиҳасини халқаро жамоа билан биргаликда илк бор йўлга қўйди. Ушбу ташаббус ходимларни ривожлантириш ва уларнинг касбий салоҳиятини оширишга қаратилгани билан аҳамиятлидир. Pulze дастурининг жорий этилиши Ipoteka Bank OTP Group'нинг нафақат замонга мослашиш ва инновацияларни қабул қилишга тайёр эканлигини, балки Ўзбекистон банк секторида янги стандартларни белгилашда этакчи эканлигини намоён этади.

Ҳамкорлик асосида