"Мадад Инвест банк" АТБ ("mybank") акциядорларининг тегишли қарорига кўра Фатхутдин Зайнитдинович Мирзаев мазкур банк бошқаруви раиси лавозимига тасдиқланди. Бу ҳақда Bankers.uz'га банк расмийлари хабар берди.

Ф.Мирзаев 1990 йил туғилган, 2014 йил Тошкент молия институтининг бакалавр босқичини тамомлаган.

Меҳнат фаолияти давомида 2013-2022 йиллари "Ипак йули" АИТБда турли лавозимларда ишлаб, кредитлаш бўлими мутахассисидан Кредитлаш департаменти Кредитлаш бошқармаси бошлиғи лавозимигача кўтарилган.

2022 - 2024 йилларда "Tenge Bank" АТБ Филиаллар тармоғини ривожлантириш ва мувофиқлаштириш бошқармаси бошлиғи сифатида фаолият олиб борган.

2024 йилнинг май ойидан 2025 июль ойига қадар "Мадад Инвест банк" АТБ Корпоратив бизнес департаменти директори –  Бошқарув аъзоси, июль ойидан буён банкда Корпоратив бизнес департаменти директори – Бошқарув Раиси вазифасини бажарувчи сифатида ишлаб келаётган эди.

Эслатиб ўтамиз, мазкур тайинлов амалдаги тартиблар асосида Марказий банк билан келишилган.