“Ориент Финанс” ХАТБ устав капитали миқдорини 1 трлн 964,1 млрд сўмдан 2,7 тлрн сўмга оширади. Бу ҳақда Корпоратив ахборот ягона порталида маълумот берилди.
Устав капиталини ошириш мақсадида номинал қиймати 1 250 сўм бўлган 589 147 188 дона умумий қиймати 736 млрд 433 млн 985 минг сўмлик эгасининг номи ёзилган оддий, ҳужжатсиз шаклдаги қўшимча акциялар муомалага чиқарилади.
Ушбу чиқарилишдаги акциялар ёпиқ обуна орқали банкнинг оддий акцияларига эгалик қилувчи акциядорлари ўртасида қуйидагича жойлаштирилади:
- “TECHEXPERTMASH” МЧЖ - 65 577 686 дона;
- “METRAFOR” МЧЖ - 21 875 053 дона;
- Polatov Saken Djetibayevich - 336 724 796 дона;
- Axmedjanova Sitora Baxadirovna - 164 969 653 дона.
Қўшимча чиқарилаётган акциялар Банк томонидан мустақил равишда, андеррайтерларни жалб этмасдан жойлаштирилади. Қўшимча чиқарилаётган акцияларни жойлаштириш “Акциядорлик жамиятлари ва акциядорларнинг хуқуқларини химоя қилиш тўғрисида”ги қонуннинг 35-36- моддаларига асосан Банк акциядорларига имтиёзли сотиб олиш ҳуқуқини тақдим этиш билан ёпиқ обуна орқали амалга оширилади.
Акцияларнинг имтиёзли ҳуқуқ бўйича жойлаштирилиши уюшмаган биржадан ташқари қимматли қоғозлар бозорида акциядорлар билан тўғридан тўғри фуқаролик – ҳуқуқий битими тузиш орқали амалга оширилади.
Чиқарилаётган акциялар ваколатли давлат органи томонидан рўйхатига олинган кундан бошлаб 365 (уч юз олтмиш беш) кун муддатда жойлаштирилади.
Сўнгги янгиликлар