Трастбанк кузатув кенгаши аъзолари қайта сайланади

Трастбанк бош офиси Фото: trustbank.uz

"Трастбанк" ХАБ 26 ноябрь куни акциядорларининг навбатдан ташқари умумий йиғилишини ўтказади. Бу ҳақда молия муассасаси Корпоратив ахборот ягона порталида хабар қолдирди.

Йиғилиш кун тартибида қуйидаги масалалар қўйилган:

1. Ўтган йиллардаги тақсимланмаган фойдасини тақсимлаш;
2. Умумий заҳира фондини шакллантириш;
3. "Стандарт" деб таснифланган активлар бўйича эҳтимолий йўқотишларни қоплаш учун заҳираларни шакллантириш;
4. Банк кузатув кенгаши аъзоларини сайлаш.

Навбатдан ташқари умумий йиғилиш 26 ноябрь куни Тошкент шаҳар Навоий кўчасида жойлашган Трастбанк биносида ўтказилади.