Fitch Ratings халқаро рейтинг агентлиги Ipoteka Bank OTP Group’нинг узоқ муддатли эмитентнинг дефолт рейтинги (IDR) ни хорижий ва маҳаллий валютада “BB-“ дан “BB” даражасига кўтарди ва “Барқарор” сифатида баҳолади. Акционерликни қўллаб-қувватлаш рейтингида (SSR) ҳам “bb-“ дан “bb” га яхшиланган. Банкнинг барқарорлик рейтинги ўзгармаган.

Бу кўрсаткич Ўзбекистон Республикасининг суверен рейтинги яхшиланиши билан боғлиқ бўлиб, мамлакат иқтисодиётига халқаро инвесторларнинг ишончи ортганини тасдиқлайди.

Ipoteka Bank OTP Group ўзининг асосий акциядори – молия бозори етакчиларидан бири бўлган OTP Bank’нинг яқин қўллаб-қувватлаши туфайли мустаҳкам ўринни сақлаб қолмоқда. OTP асосий акциядор сифатида Ipoteka bank'ни қўллаб-қувватлайди ва молиявий барқарорлигини мустаҳкамлайди.

Fitch банкнинг қисқа муддатли рейтингларини ҳам “B” даражасида тасдиқлади, бу “BB” рейтинг категориясидаги энг юқори кўрсаткичдир.

Ушбу рейтинг Ipoteka Bank OTP Group’нинг ишончлилиги ва Ўзбекистоннинг тез ривожланаётган молия секторида иқтисодий ўсиш барқарорлигига бўлган ишончини акс эттиради.

Маълумот учун: OTP Group Марказий ва Шарқий Эвропа мамлакатларида энг тез ривожланаётган банк гуруҳларидан бири ҳисобланади. Гуруҳ 2023 йилда Ўзбекистон бозорига кириб, Ипотека Bank’ни сотиб олган. Ҳозирда гуруҳ 11 мамлакатда 17 млн мижозга хизмат кўрсатади ва S&P Global Market Intelligence томонидан Эвропа бўйича йирик банклар қаторида этакчи деб тан олинган.

Банк 2023 йилдан халқаро OTP гуруҳи таркибига киргач кенг кўламли трансформация жараёнлари кузатилди, хусусан, ихтисослашган ипотека муассасасидан ривожланган рақамли ва корпоратив инфратузилмага эга универсал банкка айланмоқда.

2024 йилда Ipoteka Bank OTP Group юқори натижаларга эришди: соф фойда 1,84 трлн сўм (тахминан 145 млн АҚШ доллари), капитал рентабеллиги (ROE) — 30%, харажатлар даромадга нисбати эса 38% га қисқарди. Банкнинг мижозлар базаси эса 1,7 млндан ошди.

Банкнинг ижтимоий тармоқ саҳифалари:

LinkedIn

Telegram

Instagram

Facebook

You Tube

Website

Ҳамкорлик асосида