TBC Uzbekistan Бош директори Ника Курдиани раҳбарлигидаги бошқарувчи компания — “TBC Digital” АЖ (кейинги ўринларда “TBC Digital”)да Кузатув кенгаши шакллантирилганини эълон қилди.

“TBC Digital” акцияларининг 79,7 фоизи — TBC PLC, мос равишда 10,15 фоиздан — Халқаро Молия Корпорацияси (ХМК) ва Европа Тикланиш ва Тараққиёт Банки (ЕТТБ)га тегишли. Янги ташкил этилган Кузатув кенгаши таркибига финтех ва глобал инвестициялар соҳасида тан олинган, халқаро тажрибага эга етакчи мутахассислар киритилди.

Оливeр Хюз — Кузатув кенгаши раиси

Кузатув кенгаши раиси этиб TBC Bank Group’нинг халқаро бизнес йўналиши раҳбари Оливер Хьюз тайинланди. У финтех соҳасида катта тажрибага эга — илгарилаб Тinkoff банки бошқаруви раиси сифатида ишлаган ва ушбу банкни дунёдаги энг даромадли рақамли молиявий экотизимлардан бирига айлантирган. Унинг раҳбарлигида Tinkoff истеъмол кредитлари соҳасида катта ютуқларга эришди. Оливeр Хьюз шунингдек, Россияда Visa International компаниясига раҳбарлик қилган ва ҳозирда MENA минтақасидаги Tabby финтех стартапи директорлар кенгаши аъзоси ҳисобланади.

“Мен TBC Digital’даги янги лавозимдан мамнунман. Ўзбекистон бугунги кунда рақамли банклар учун энг истиқболли бозорлардан бирига айланган. Биз янги ташкил этилган Кузатув кенгаши аъзолари билан биргаликда янги авлод финтех ечимларини яратиб, мамлакатимизни жаҳон финтех харитасида муносиб ўринга чиқаришга ҳисса қўшамиз. Бу кенгаш, шу билан бирга, TBC Uzbekistan’нинг барқарор ўсиши ва акциядорлар учун қўшимча қиймат яратишда муҳим омил бўлади.”, деб таъкилади Оливер Хьюз.

Кузатув кенгашининг таниқли аъзолари

Девид Нэнгл

VEF инвестиция компанияси бош директори ва ҳаммуассиси. Унинг номзоди ХМК ва ЕТТБ томонидан илгари сурилган. VEF — Стокголм фонд биржасида рўйхатдан ўтган ва ривожланаётган бозорлардаги финтех стартапларга ихтисослашган етакчи инвестор ҳисобланади.

Девид Нэнгл ўзининг 20 йиллик молиявий тажрибаси давомида Бразилия, Туркия, Ҳиндистон ва Мексика каби бозорларда илғор финтех ечимларини амалга оширишга ҳисса қўшган. Илгари Renaissance Capital’да молиявий таҳлил раҳбари, ING Barings’да EMEA минтақаси бўйича раҳбар бўлиб ишлаган.

“TBC Digital Кузатув кенгашига тайинланиш — мен учун катта шараф. Мен 2014 йилда TBC Bank’нинг IPO жараёнида иштирок этганман ва компаниянинг Ўзбекистонда қандай тез ва ишончли ўсишга эришганига гувоҳ бўлдим. Айниқса, бу бозор ҳали тўлиқ очилмаган салоҳиятга эга. Мен ўз тажрибамни TBC Uzbekistan’нинг келгуси ривожига йўналтиришдан хурсандман.”, деди Девид Нэнгл.

Мэтю Рисли

QED Investors’нинг шарафли ҳамкори. Бу Америкадаги етакчи венчур капитали компанияси бўлиб, финтех ва молиявий хизматлар соҳасидаги инноваторларга сармоя киритади.

Мэтю Рисли аввал Klarna тўлов компаниясида молия директори бўлган, шундан сўнг Treliant Risk Advisors консалтинг компаниясида финтехлар учун хатарлар ва стратегия бўйича маслаҳатчи сифатида ишлаган. Карерасини истеъмол кредитлаш соҳасида инқилоб қилган Capital One’да бошлаган. У маркетингда биринчи бўлиб маълумотларга асосланган индивидуал ёндашувни жорий қилган.

“TBC Digital Кузатув кенгашига аъзо бўлиш орқали мен АҚШ ва глобал финтех жамоаси билан боғланиш имкониятига эгаман. TBC Uzbekistan қисқа вақт ичида улкан натижаларга эришди ва рақамли банк бўйича минтақада етакчига айланди. Ўзбекистон бозори улкан салоҳиятга эга ва мен ушбу саъй-ҳаракатларга ўз ҳиссамни қўшишга тайёрман.”, демоқда Мэтю Рисли.

Тузилмавий ислоҳотлар ва стратегия

“TBC Digital” Кузатув кенгашининг шакллантирилиши — TBC’нинг Ўзбекистондаги фаолиятини ягона ва стратегик бошқарув асосида бирлаштиришда муҳим қадамдир. Янгиланган кенгаш структураси ва ваколатлари аллақачон кучга кирди ва компаниянинг янги босқичга чиқишига замин яратмоқда.

Ҳамкорлик асосида