Ғ.Мавлонов ва О.Марксов
Фото: Ипотека банк матбуот хизмати
"Ипотека-банк" акциядорлик тижорат ипотека банкининг икки нафар иқтидорли ходимлари ўз малака ва билимларини Буюк Британиянинг нуфузли университетларида янада мустаҳкамлаш имкониятига эга бўлди.
Ўзбекистон Республикаси Президенти ташаббуси билан мутахассисларни хорижда тайёрлаш ва ватандошлар билан мулоқот қилиш бўйича “Эл-юрт умиди” жамғармаси ташкил этилган.
Жамғарма томонидан 2021-2022 ўқув йили учун энг нуфузли хорижий давлатларда таҳсил олиш бўйича ўтказилган стипендия танловларида Ипотека–банкнинг икки нафар ходими стипендиатлар қаторидан жой олди.
Эндиликда ушбу ходимлар Буюк Британиянинг нуфузли университетларида, хусусан:
- Стратегия департаменти аналитиги Ғиёсиддин Мавланов "Sussex" Университетида;
- Операциялар департаменти бош мутахассиси Озодбек Марксов "Swansea" Университетида таҳсил оладилар.
Bankers.uz жамоаси ушбу ходимларнинг ўқишида омад тилаб, келгусида мамлакат равнақига ҳисса қўшадиган муносиб мутахассислар бўлишини тилаб қолади.
Тасодифий хабарлар
Агробанкнинг HR соҳасидаги фаолияти эътироф этилди
Tenge Bank юридик шахслар учун имтиёзли хизматларни таклиф қилмоқда
Дилмурод Парпиев ва Тохир Шарипов Трастбанкнинг қўшимча акцияларини сотиб олди