Марказий банк маълумотларига кўра, апрель ойи давомида Ўзбекистон тижорат банкларининг жами кредит портфели 13,6 трлн сўмга ўсиб, жами 565,6 трлн сўмни ташкил қилди. Кредит портфели давлат банкларининг барчасида жами 9,5 трлн сўмга, бошқа банкларда 4,3 трлн сўмга ўсган. Хусусан, портфелнинг ўсиши борасида Агробанк (4,0 трлн сўм), Ўзмиллийбанк (1,8 трлн сўм), Ипотека банк (998,9 млрд сўм) нисбатан етакчилик қилган.

Муаммоли кредитлар (NPL) миқдори жами банк тизимида 161,2 млрд сўмга кўпайган. Бироқ, мазкур кўрсаткич давлат банкларида 133,6 млрд сўмга камайган, бошқа банкларда эса 294,9 млрд сўмга ортган.

Ой давомида давлат банкларидан Ўзмиллийбанк, ЎзСҚБда муаммоли кредитлар миқдори бироз қисқарган, бошқа банклардан Капиталбанк (+144,1 млрд сўм) ва Ориент Финанс банк (+107,3 млрд сўм)лар NPL миқдорини сезиларли ортган.

NPL нинг кредит портфелидаги улуши март ойи якунидаги 4,26 фоиздан 4,18 фоизгача камайган.

Банклар кесимидаги кредит портфели ва муаммоли кредитлар миқдори ҳамда улуши динамикаси ушбу жадвалда берилган.

^{Манба: Марказий банк}