Лондон фонд биржасида рўйхатга олинган TBC Bank Group таркибидаги TBC Uzbekistan 2025 йил 31 мартда якунланган МҲХС бўйича уч ойлик консолидациялашган молиявий натижаларни эълон қилди. TBC Uzbekistan Марказий Осиёдаги етакчи ва мамлакатнинг энг йирик рақамли банкинг экотизими TBC Bank рақамли банки, жисмоний шахслар ва кичик бизнес учун рақамли тўловлар payme иловаси ҳамда муддатли тўлов бўйича тез суръатларда ривожланаётган – payme nasiya кабиларни ўз ичига олган.

2025 йилнинг дастлабги чорагида компания барча асосий кўрсаткичлар бўйича сезиларли ўсишни намойиш этди. Ҳисобот даврида компания ўз мижозлар базасини кенгайтирди ҳамда бир қатор янги маҳсулотларни ишга туширди.

Портфелнинг ишончли ўсиши

2025 йил 31 март ҳолатига кўра банкнинг кредит портфели 10,047 трлн сўмга етди (ўтган йилга нисбатан ўсиш 121 фоиз ни ташкил қилди). Компания Ўзбекистон бозоридаги улушини оширишда давом этмоқда: 2025 йил 31 март ҳолатига кўра барча таъминланмаган истеъмол кредитларининг 17,1 фоиз компания ҳиссасига тўғри келади. Айни пайтда TBC Uzbekistan’нинг улуши гуруҳнинг барча таъминланмаган истеъмол кредитларининг 53 фоизини ташкил этмоқда.

2025 йил 31 март ҳолатига кўра, жисмоний шахсларнинг депозитлари ҳажми 5,7 трлн сўмга ошган (ўтган йилга нисбатан 85 фоизга ўсган), бу Ўзбекистондаги бундай омонатлар умумий ҳажмининг 4 фоизига тенг. TBC Uzbekistan улуши 2025 йил 31 март ҳолатига кўра TBC Bank Group жисмоний шахслар депозитлари портфелининг 13 фоизини ташкил этди.

Экотизимдан фойдаланувчилар сонининг ўсиши

TBC Uzbekistan фойдаланувчилари сони 2025 йил 31 март ҳолатига кўра 19,7 млн кишига етди, бу эса компанияни Марказий Осиёдаги энг йирик рақамли банк экотизимларидан бири сифатидаги мавқеини мустаҳкамламоқда. 2025 йилнинг биринчи чорагида ойлик фаол фойдаланувчилар сони 6,1 млн кишини ташкил этди.

Даромаднинг сезиларли ўсиши

Умумий операцион даромад 2025 йилнинг 1-чорагида жами 744 млрд сўмга ўсди (йиллик ўсиш 113 фоизни ташкил этади) ва ҳозирда TBC Uzbekistan улуши TBC Bank Group умумий операцион даромадининг 21 фоизини ташкил қилади.

Соф даромад 2025 йилнинг 1-чорагида 98 млрд сўмга етди (йиллик ўсиш 15 фоиз), капитал рентабеллиги эса 13,7 фоизни ташкил этди. Ушбу кўрсаткичларга Ўзбекистондаги 114,4 млрд сўм миқдоридаги эҳтимолий кредит йўқотишлари бўйича бир марталик захиралар, солиқ тўлашдан олдинги фойдага таъсир кўрсатди. Мазкур бир марталик захираларни айирган ҳолдаги соф фойда 2025 йилнинг 1-чорагида 190 млрд сўмга, яъни ўтган йилга нисбатан 121 фоизга ўсди, капитал рентабеллиги эса 26,5 фоизни ташкил этди.

2024 йилнинг 4-чорагида ишга туширилган маҳсулотларга талаб ошиши

Компания 2024 йилнинг 4-чорагида ишга туширган янги маҳсулотларга талаб ўсиб бормоқда. Муомалага чиқарилган Salom Card дебет карталари сони 2024 йил ноябрдаги 23 000 дан 2025 йил 31 мартга 228 000 тагача ўсди, ушбу карталардаги аҳоли маблағларининг қолдиғи TBC Bank депозит портфелининг 1,3 фоизини ташкил этади, Osmon Card кредит карталарига берилган аризалар сони эса 2024 йил декабридаги 13 000 га нисбатан 48 000 тага етди, бу банк кредит портфелининг 3 фоизини ташкил қилади.

Янги маҳсулотларнининг ишга туширилиши

2025 йил январь ойида TBC Uzbekistan қўшимча қийматга эга молиявий ва lifestyle-маҳсулотлари тўпламига кириш имконини берувчи payme plus ойлик обунасини ишга туширди. Бу маҳсулот TBC Uzbekistan компаниясининг таклиф этилаётган маҳсулотлар қаторини кенгайтириш ва диверсификация қилишга қаратилган узоқ муддатли стратегиясини амалга оширишда муҳим қадам бўлди. Бундай сай-ҳаракатлар мижозларнинг жалб этилганлиги ва содиқлиги ошириш ҳамда даромадлиликни кўпайтириш имкониятини беради.

Ҳисобот даври охирида, 2025 йил апрель ойида TBC Uzbekistan мамлакатдаги кичик ва ўрта бизнес (КЎБ) учун кредит маҳсулотини жорий этиш орқали янги бизнес сегментига кирди. Мазкур янги маҳсулот TBC Business доирасида КЎБ учун мўлжалланган маҳсулот қаторининг мантиқий давоми бўлди.

Банк КЎБ учун ажратиладиган кредитлар янги мижоз сегментларини ўзлаштиришда ҳамда кредит портфели ва тушумни ўсишини таъминлашда муҳим роль ўйнашини кутмоқда. Келгусида КЎБ учун кредитлар TBC Uzbekistan кредит портфелининг аҳамиятли улушини ташкил қилиши керак.

Сунъий интеллектга асосланган келажак банкини ривожланиши

2025 йилнинг 1-чорагида TBC Uzbekistan ўз фаолиятига сунъий интеллектни (СИ) жорий этишни давом эттирди. 2024 йилда банк ўзбек тилидан фойдаланган ҳолда ўзининг сунъий интеллектга асосланган нутқ технологияси платформасини ишлаб чиқди ва ишга туширди – бу Марказий Осиёдаги энг катта СИ лойиҳаларидан бири. Платформа СИ агентларини TBC Uzbekistan фаолиятининг асосий йўналишларида қўллаш имконини беради. 2025 йил апрель ҳолатига кўра, сунъий интеллект агентлари бироз кечиктирилган кредитлари бўлган мижозларга 50 фоиздан ортиқ эслатувчи қўнғироқларни амалга ошириб, операцион самарадорликни оширди. Шунингдек, 2025 йил январь ойида TBC савдо учун ишлатиладиган Telegram ботида икки тилда (ўзбек ва рус) шахсий йирик тил моделидан фойдаланишни бошлади.

Бу анъанавий рақамли каналларга нисбатан банк маҳсулотлари конверсиясининг 30 фоизга ошишига олиб келди, бунинг натижасида ушбу канал орқали мижозларни жалб қилиш харажатлари сезиларли даражада камайди. Бундан ташқари, гуруҳ жорий йилда мижозларни қўллаб-қувватлаш ва бошқа сценарийларда, шу жумладан иловалардаги виртуал ёрдамчилар учун сунъий интеллектдан фойдаланишни ривожлантиришни режалаштирмоқда.

Бошқа муҳим воқеалар 

2025 йил март ойида TBC Uzbekistan Ўзбекистондаги гуруҳнинг барча фаолият йўналишларини бирлаштиришга мўлжалланган TBC Digital бошқарув компанияси ташкил этилгани ҳақида хабар берди. Ўзбекистонда рўйхатдан ўтган TBC Digital компанияси TBC Uzbekistan экотизимида гуруҳнинг бизнесларини бошқаради. Оптималлаштирилган ҳуқуқий ва бошқарув тузилмаси барқарор даромадли ўсишга ёрдам беради.

2025 йил март ойида IMD Business School TBC Bank Group’ни Грузия банкидан етакчи минтақавий молиявий хизматлар провайдерига айланишига оид кейсни эълон қилди, унда Ўзбекистонда гуруҳнинг тез ўсиши ва рақамли банкинг соҳасидаги муваффақияти таъкидланди. Ҳозирда IMD дастурига киритилган кейс TBC’нинг кенгайтириладиган рақамли банкинг моделига ва унинг гуруҳнинг узоқ муддатли ривожланиш стратегиясидаги ролига алоҳида эътибор бермоқда.

“Биз йилни ишонч билан бошлаб, асосий кўрсаткичлар бўйича ўсишни давом эттирдик. Кучли операцион ва молиявий натижалардан ташқари, биз Ўзбекистондаги бизнес тузилмасини оптималлаштириш ва унинг тезкор ўсишини қўллаб-қувватлаш учун яратилган янги бошқарув компанияси – TBC Digital’ни тақдим этдик. Чорак давомида янги маҳсулотларни ишга тушириш ва рақамли банк экотизимимизни ривожлантиришда давом эттирдик, бу эса мижозлар базасининг ўсишига, фойдаланувчиларнинг фаоллиги ошишига ва даромаднинг кескин ортишига олиб келди", дея таъкидлади TBC Uzbekistan бош ижрочи директори (CЕО) Ника Курдиани.

TBC Uzbekistan раҳбари шунингдек, ўтган давр мобайнида эришилган ютуқлар ҳақида гапирди.

"Биз рақамли банкинг соҳасида минтақавий етакчини яратиш бўйича ҳаракатларимиз халқаро нуфузли бизнес мактаби – IMD томонидан эътироф этилганидан жуда фахрланамиз. Трансформациямиз ҳақидаги кейс мазкур мактаб талабалари учун илҳом манбаи бўлади деб умид қиламиз. Биз иккинчи чоракда ва ундан кейин ҳам ўсишда давом этамиз, бозорга янада кўпроқ янги маҳсулотларни тақдим этишни режалаштирганмиз, бу эса минтақадаги етакчи рақамли банкинг экотизими сифатидаги мавқеимизни янада мустаҳкамлаш имконини беради” деди TBC Uzbekistan раҳбари Ника Курдиани.

Ҳамкорлик асосида