Асакабанк Халқаро Ислом савдо молия корпорацияси (ITFC) билан ҳамкорликда 20 миллион АҚШ доллари миқдорида маблағ жалб қилмоқда. Бу маблағ Ўзбекистонда фаолият юритаётган кичик ва ўрта бизнес вакилларини қўллаб-қувватлашга йўналтирилади.

Мазкур маблағ тадбиркорлар учун бир қатор қулайликларни тақдим этади:

• маблағдан бир неча марта фойдаланиш имконияти мавжуд;
• турли валюталарда, жумладан, сўмда ҳам маблағ ажратилиши мумкин;
• импорт товарлар учун шартнома тузишда кенг имкониятлар яратилади;
• маҳаллий харидлар учун ҳам маблағ ажратилиши мумкин;
• тўловларни босқичма-босқич ёки келишилган муддатларда амалга ошириш мумкин.

Бу ҳамкорлик орқали Асакабанк тадбиркорларга халқаро тажриба асосида молиявий ёрдам кўрсатишни давом эттиради. Жаҳон молия ташкилотлари томонидан бундай қўллаб-қувватлаш банкнинг барқарорлиги ва ишончли ҳамкор сифатида тан олинаётганини кўрсатади.