Капиталбанк АТБ Кузатув кенгаши Мадина Юсупова ва Акмал Яхёевни Банк Бошқаруви раиси ўринбосари лавозимларига тайинлашни тасдиқлади. Улар ўз меҳнат фаолиятларини банкда қуйи лавозимлардан бошлаб, компания ичида босқичма-босқич малакаларини ошириб, бугунги кунда банк бошқарувида муҳим роль ўйнайдиган лавозимларга етиб келишди.

— Ушбу тайинловлар банкнинг стратегик бизнес йўналишларини ривожлантиришга қўшимча туртки беради, айниқса, Мадина ва Акмалнинг айнан Капиталбанк тизимида шакллангани муҳим — деди Капиталбанк АТБ Кузатув кенгаши раиси Максуд Абдусамадов.

Мадина Юсупова — Тошкент молия институти, "банк иши" йўналиши магистри. 2009 йилда Капиталбанкдаги фаолиятини мутахассис лавозимидан бошлаган. Банкнинг Ғазначилик департаментида актив ва пассивларни бошқариш бўлими, конверсион операциялар бўлими, чакана ва корпоратив йўналишлар бўйича бошқарувчи ўринбосари лавозимларида ишлаган. Янги лавозимга тайинлангунга қадар Амалиёт бошқармаси директори сифатида фаолият юритган. Эндиликда у кичик ва ўрта бизнесни ривожлантиришга масъул бўлади.

^{Фото: Капиталбанк}

Акмал Яхёев — Тошкент молия институтини битирган. 2011 йилда Капиталбанкда стажёр сифатида иш бошлаган, қисқа муддат ичида корпоратив кредитлаш бўйича мутахассисдан департамент директори бўлган. 2019 йилдан буён банкнинг Сергели филиалига раҳбарлик қилиб келаётган эди. 2021 йилда молиявий тизим ривожига қўшган ҳиссаси учун "Мустақилликнинг 30 йиллиги" ордени билан тақдирланган. Янги лавозимда у корпоратив бизнес йўналишини ривожлантириш учун масъул бўлади.

^{Фото: Капиталбанк} 

Капиталбанк жамоасининг катта салоҳиятига ишонади ва ходимлар ривожи банк стратегиясининг ажралмас қисмига айланган корпоратив маданиятни шакллантиради. Таълимга сармоя, тажриба алмашинуви, мураббийлик ва менторлик тизимлари, кадрлар захираси дастури, мартаба юксалиши ва ташаббусларни қўллаб-қувватлаш орқали банк инсонларни янги чўққиларга етаклайди ҳамда бутун жамоани олдинга интилишга руҳлантиради.

Ҳамкорлик асосида.