Жорий йилнинг 25 апрель куни OTP Bank’нинг ҳар йили ўтказиладиган умумий акционерлар йиғилишида OTP Bank Бошқарув кенгаши раиси ва Бошқарув раиси доктор Шандор Чаньи расмий равишда Бошқарув кенгаши 2025 йил 1 майдан бошлаб, унинг ташаббуси билан OTP Bank Plc. Бошқарув раиси ва Бош ижрочи директор (CEO) вазифаларини ажратиш тўғрисида қарор қабул қилинганини маълум қилди.

Доктор Шандор Чаньи, CEO сифатида, OTP Group’нинг стратегик йўналишига масъул бўлиб қолади, шу жумладан ўсиш ва ривожланиш стратегияларини белгилаш, шунингдек, раҳбарият ва филиал банкларнинг раҳбарларини тайинлаш ва ишдан бўшатишни назорат қилишни ўз зиммасига олади.

Бошқарув раисининг ўринбосари, Пётр Чаньи, OTP Bank Digital йўналишининг раҳбари ва банк Бошқаруви аъзоси, 2025 йил 1 майдан бошлаб, Венгрия Марказий банкининг тасдиғи билан Бош ижрочи директор лавозимини эгаллайди.

Илгари McKinsey&Company компаниясининг ҳамкори ҳисобланган Andras Sebek май ойидан бошлаб Digital OTP Bank йўналиши бошқарувини эгаллайди.

Пётр Чаньи 2016 йилда OTP Bank’га Рақамли сотувлар ва ривожланиш департаменти бошқаруви директори сифатида қўшилган. 2019 йилдан 2021 йилгача agile ривожланиш ва операциялар жараёнларини бошқаришни назорат қилган. 2021 йил март ойидан бошлаб у OTP Bank Бошқарув раисининг ўринбосари ва OTP Bank Digital йўналиши раҳбари лавозимларини эгаллаган, шу билан бирга 2021 йил апрель ойидан бошлаб, OTP Bank Бошқаруви аъзоси сифатида фаолият кўрсатган. 2020 йилдан Хорватиядаги OTP Bank Кузатув кенгаши раиси, OTP Mobil Plc. Кузатув кенгаши аъзоси, PortfoLion венчур компаниясининг Бошқарув аъзоси, Венгрия Банклар Ассоциациясининг рақамлаштириш бўйича Ишчи гуруҳининг раҳбари, Mastercard’нинг Европа маслаҳат кенгашининг аъзоси ва Рақамли тадбиркорлик ассоциациясининг рақамли трансформация бўйича вице-президенти ҳисобланади.

Пётр Чаньи 2006 йилда City University of London университетида иқтисодиёт йўналишида бакалавр даражасига, 2007 йилда Мадрид шаҳридаги IE Business School’да молия йўналишида магистратура даражасига ва 2015 йилда Kellogg School of Management’да бизнесни бошқариш (MBA) йўналишида магистратура даражасига эга бўлди. Унинг профессионал фаолияти 2006 йилда Лондондаги Merrill Lynch компаниясида бошланган. 2007 йилдан 2011 йилгача у Лондондаги Deutsche Bank’да корпоратив молия соҳасида аналитик ва кейинчалик молиявий маслаҳатчи сифатида фаолият кўрсатди. 2011 йилдан 2016 йилгача у McKinsey & Company Inc. компаниясида банк соҳасидаги лойиҳалар бўйича маслаҳатчи бўлиб ишлаган.

^{Фото: IT Business}

“Мен учун OTP Bank Бошқаруви раиси лавозимини эгаллаш катта шараф. Бу аллақачон текширилган ва тартибга солинган ишни янги институционал даражага кўтаради, чунки 2023 йилдан буён OTP Bank’нинг бошқарув раҳбарлари қўмитаси раиси сифатида мен кундалик фаолиятга таъсир кўрсатувчи кўплаб қарорларни мувофиқлаштирганман. Бошқарув раиси сифатида мен қарорлар қабул қилишнинг янада тезкор ва сифатли бўлишига ҳисса қўшишга умид қиламан, чунки операцион ва стратегик бошқарувни ажратиш энди самарали бошқарувга кўпроқ эътибор қаратиш имконини беради”, деди Пётр Чаньи, OTP Bank акциядорларининг умумий йиғилишида.

Доктор Шандор Чаньи 1992 йилдан бери OTP Bank Бошқаруви Раиси сифатида фаолият кўрсатмоқда. Унинг раҳбарлигида OTP Group Марказий ва Шарқий Европада улкан ютуқларга эришди. OTP компаниясининг бозор капитализацияси 200 марттадан ошди ва компания мисли кўрилмаган халқаро кенгайишга эришди.

Бугунги кунда OTP Group 40 000 нафар ходим билан 11 мамлакатда 17 млн мижозга хизмат кўрсатади. Компаниянинг жами активлари 100 млрд евродан ошади, унинг фойдалилиги ажралиб туради ва гуруҳнинг молиявий барқарорлиги Европада нуфузлилар қаторига киради. Унинг 33 йиллик раҳбарлиги ютуқлари, шунингдек, OTP Bank’нинг Европанинг кризисларига бардошлилиги бўйича тўртинчи банк сифатида, Европа Банклари назорати органининг сўнгги стресс-тест натижаларига кўра ва S&P Global Market Intelligence томонидан 2024-йилги молиявий самарадорлик рейтингида Европада биринчи ўринни эгаллашида кўринади.

^{Фото: Portfolio}

“Мен келгуси йилларда OTP стратегиясини CEO сифатида амалга оширишда давом этаман. Мен сотиб олишлар орқали ўсиш, шунингдек, самарадорлигимизни оширишга қаратилган рақамли ва анъанавий технологик такомиллаштиришларда катта потенциал кўряпман, ва ушбу жараёнларнинг йўналиши Бошқарув томонидан белгиланишда давом этади. Сўнгги тўққиз йил ичида Пётр Чаньи раҳбарлигида OTP Bank рақамли технологиялар соҳасидаги позицияларини мустаҳкамлади, ва сўнгги бир ярим йил давомида банкнинг Ижрочи раҳбарлар қўмитаси раиси сифатида у OTP Group’нинг операцияларини ноаниқ вазиятларда хавфсиз йўналишда бошқариш қобилиятини кўрсатди”, деди доктор Шандор Чаньи.

Май ойидан бошлаб, Digital йўналиши бошқарувини эгаллайдиган Андраш Себёк McKinsey компаниясидан OTP Bank’га қўшилди ва банк соҳасида 14 йиллик, консалтингда 8 йиллик тажрибаси давомида олган бошқарув тажрибаси, кучли IT экспертизасини амалда кўрсатади.

Венгрия Бош вазири Виктор Орбан OTP Bank Plc. акциядорларнинг умумий йиғилишида иштирок этган ҳолда Бошқарув раиси лавозимини тарк этаётган доктор Шандор Чаньининг ютуқларини юқори баҳолади ҳамда биринчи бўлиб Пётр Чаньини янги Бошқарув Раиси лавозимига тайинлангани билан табриклади.

OTP Group ҳақида

OTP Group Марказий ва Шарқий Европадаги тез ривожланаётган ва етакчи банк гуруҳларидан бири бўлиб, юқори даромадлилик, барқарор капитал ва ликвидлик кўрсаткичларига эга. Марказий ва Шарқий Европа ҳамда Марказий Осиёдаги 11 мамлакатда деярли 40 000 ходими билан гуруҳ 17 млн мижозга кенг қамровли молиявий хизматлар кўрсатади.

Марказий ва Шарқий Европа банк секторининг фаол консолидаторларидан бири сифатида, OTP Group 2000 йилларнинг бошидан буён 25 банкни муваффақиятли харид қилган ва уларни интеграция қилган. OTP Group Бош офиси Венгрияда жойлашган бўлиб, гуруҳ диверсификациялашган ва шаффоф мулкчилик тузилмасига эга. Банк 1995 йилдан бери Будапешт фонд биржасида рўйхатга олинган.