Халқ банкида Европа тикланиш ва тараққиёт банки, ConsumerCentriX компанияси, Ўзбекистон Республикаси Марказий банки ҳамда Халқ банки ҳамкорлигида семинар ташкил этилди.

Семинар Гендер масалалари бўйича Республика комиссияси ва Европа тикланиш ва тараққиёт банки ўртасида имзоланган “Тадбиркор аёллар учун молиявий кодексни (WE-Finance Code) жорий этиш бўйича ҳамкорлик” Меморандуми ижросига бағишланди.

Унда асосий эътибор WE-Finance Code мазмунини тушунтириш, уни амалга оширишда иштирокчи ташкилотларнинг мажбуриятларини белгилаш ҳамда аёл тадбиркорларни молиявий қўллаб-қувватлашга қаратилган ёндашувларни муҳокама қилишга қаратилди.

Ушбу семинар WE-Finance Code тамойилларини амалиётга татбиқ этиш йўлида муҳим қадамлардан бири бўлиб, аёлларни молиявий хизматлардан кенгроқ фойдаланишга йўналтириш, банк тизимида гендер тенглигини таъминлаш ва ижтимоий-иқтисодий иштирокини янада кучайтиришга хизмат қилиши билдирилди.

Тадбиркор аёлларнинг Молия кодекси (WЕ Молия кодекси ёки оддийгина Кодекс) — FSP'лар, тартибга солувчилар, ривожланиш банклари ва бошқа молиявий экотизим иштирокчиларининг бутун дунё бўйлаб аёллар бошчилигидаги микро, кичик ва ўрта корхоналарга (WMSMEs) ажратиладиган маблағларни кўпайтириш учун биргаликда ишлаш мажбуриятидир. 2023 йил октябрь ойида Жаҳон банки - ХВФнинг Марокашдаги йиллик йиғилишларида расман ишга туширилган WE Молия кодекси дунёнинг 26 мамлакатида синовдан ўтказилади.

Ҳамкорлик асосида