Поп туманида аҳоли ва тадбиркорлик субъектларини молиявий хизматлар ва лойиҳа молиялаштириш механизмлари билан таништириш мақсадида "Лойиҳалар ярмаркаси" ташкил этилди.

Тадбир Поп тумани ҳокимлиги, Марказий банк Наманган вилоят бош бошқармаси, Асакабанк Наманган БХМ ва туман тижорат банклари ҳамкорлигида ўтказилди. Ярмарка доирасида маҳалла банкирлари, ҳоким ёрдамчилари ва тадбиркорлар иштирокида банктамондан таклиф этилаётган молиявий хизматлар ва маҳсулотлар ҳақида батафсил маълумотлар берилди.

^{Фото: Асакабанк}

Ярмаркада маҳалла банкирлари ўзларининг банкларининг дастурлари ва тадбиркорларга кўрсатиладиган мўжазлаштирилган хизматлар ҳақида батафсил маълумот беришди.

Тадбир давомида, ишбилармонлар ўз лойиҳаларини тижорат банклари вакилларига тақдим этишди. Банк мутахассислари томонидан лойиҳаларни молиялаштиришдаги имкониятлар, кредит сиёсати ва уларнинг асосий шартлари бўйича тушунчалар берилди.

_{Фото: Асакабанк}

Тадбир якунида, лойиҳаларни молиялаштириш бўйича кўплаб масалалар муҳокама қилиниб, амалий тавсиялар берилди. Маҳалла банкирлари ва тадбиркорлар ўртасидаги ўзаро ҳамкорлик ҳамда тижорат банкларининг янги кредит маҳсулотлари ҳақидаги маълумотлар сессияларидан сўнг, тадбиркорлар янги бизнес ғоялари учун зарурий молиявий манбаларни топиш имкониятига эга бўлди.