Kaspi.kz Туркиянинг Rabobank А.Ş.банкини сотиб олиш бўйича келишувга эришди. Бу ҳақда 27 март куни Қозоғистон компанияси ўзининг пресс-релизида маълум қилди.

Мазкур банк Rabobank Group компаниялар гуруҳининг Туркиядаги шўбаси ҳисобланади.

Мазкур битим ҳали имзоланмади. Rabobank А.Ş. Туркияда тўлиқ лицензияга эга банк бўлиб, у на омонат қўйувчи ёки кердит олувчи мижозларга, на филиаллар тармоғига эга. Битимни якунлаш тартибга солувчи органларнинг зарурий рухсатини олиш ва битимнинг барча одатий шартлари бажарилишига боғлиқ. - дейилади компания баёнотида.

Rabobank А.Ş. ҳам ушбу шартнома имзоланишини тасдиқлади. 27 мартда эълон қилинган пресс-релизда Kaspi.kz фойдасига банкнинг "барча акциялари" сотилиши маълум қилинди.

"Туркиядаги шўба корхонани сотиш нияти гуруҳнинг (Rabobank Group - таҳр.) операцион моделини соддалаштириш ва такомиллаштириш стратегияси билан боғлиқ," - дейилади Rabobank А.Ş. хабарида.

Битим бўйича Rabobank Group’нинг молиявий маслаҳатчиси J.P. Morgan, юридик маслаҳатчиси эса A&O Shearman / Gedik&Eraksoy бўлди.

Rabobank ҳақида

Rabobank Нидерландияда очилган компания ҳисобланади. Бу кооператив банк бўлиб, унга акциядорлар эмас, балки аъзолар эгалик қилади. Асосан қишлоқ хўжалиги ва қайта ишлаш саноатида фаолият юритади.

Эслатиб ўтамиз, аввалроқ Kaspi.kz Туркиянинг Hepsiburada маркетплейсининг 65,41 фоиз улушини сотиб олганди. Битим суммаси 1,127 млрд долларни ташкил этганди. Томонлар 2024 йил октябрь ойида келишув имзоланган, ноябрь ойида Қозоғистон компанияси турк регуляторларидан келишувга розилик олган. Битим 2025 йил 29 январда якунланган. Kaspi.kz дарҳол нақд 600 млн доллар тўлаufy, сумманинг қолган қисмини эса битим ёпилган санадан кейин олти ой ичида ўтказилишига келишилган.

2025 йил 1 январь ҳолатига кўра, Kaspi.kz'нинг акциялари асосий акциядорлар ўртасида қуйидагича тақсимланди:

1. 22,6% - Михаил Ломтадзе (2024 йилда Forbes Қозоғистоннинг 50 та энг нуфузли тадбиркорлари рейтингида 6-ўрин),
2. 21,4% - Вячеслав Ким (2024 йилда энг нуфузли тадбиркорлар рейтингида 2-ўрин ва 75 та энг бой тадбиркорлар рейтингида 1-ўрин),
3. 24,68% - Baring Funds.