Ўзбекистон Республикаси Президентининг 2025 йил 30 январдаги ПҚ-34-сон “Чорвачилик ва паррандачиликни қўллаб-қувватлаш, соҳада юқори қўшилган қиймат яратиш бўйича қўшимча чора-тадбирлар тўғрисида”ги қарорига кўра, Паррандачилик соҳасида аҳоли хонадонлари билан кооперация асосида ишлаш тизимини молиялаштириш учун Тикланиш ва тараққиёт жамғармасининг 50 млн АҚШ доллари миқдоридаги маблағлари “Микрокредитбанк” АТБнинг устав капиталини оширишга йўналтирилган. Айни дамда мазкур маблағлар ҳисобига республиканинг барча ҳудудларида паррандачиликнинг гўшт ва тухум йўналишида кооперация тизими асосида 1 млн аҳолини иш билан таъминлаш бўйича “Парранда боқиш — даромад топиш” лойиҳасини амалга ошириш белгиланган.

^{Фото: Микрокредитбанк}

Мазкур кредит маблағлари кооперация тизими асосида паррандачилик лойиҳаларини амалга ошириш ташаббусини кўрсатган хўжалик субъектларига ажратилади.

Қарор ижроси ва шу йўналишдаги корхоналар фаолиятини кенг ёритиш мақсадида жорий йилнинг 25 март куни банк томонидан молиялаштирилган Тошкент вилоятидаги “Умид” МЧЖга бир гуруҳ ОАВ вакиллари иштирокида пресс-тур ташкил этилди. Пресс-тур давомида қатнашчиларга корхонада паррандачилик маҳсулотлари ишлаб чиқариш жараёни таништирилди.

^{Фото: Микрокредитбанк}

Маълумотларга кўра, корхонанинг Янгийўл тумани Бўзсув маҳалласида жойлашган 56 та парранда (йиллик қуввати 7,5 млн бош бройлер) боқиш биноларида йилига 9 минг тонна парранда гўшти етиштириш ҳамда ички бозорларга етказиб бериш қувватлари мавжуд.

Шунингдек, битта озуқа ишлаб чиқариш комплексида йилига 12,5 минг тонна озуқа ишлаб чиқарилади. Битта товуқ сўйиш комплексида эса соатига тўрт минг бош парранда сўйилади. Корхонадаги битта музлаткич 1,2 минг тоннагача маҳсулотни ўзида сақлайди. Бундан ташқари, кохонада 157 минг бош наслли паррандани боқиш қуввати мавжуд бўлиб, йилига 19 млн дона инкубацион тухум ва 12 млн бош бир кунлик бройлер жўжалар етиштириш қувватига эга.

^{Фото: Микрокредитбанк}

Корхонанинг паррандачилик фаолиятини ривожлантириш лойиҳасига “Микрокредитбанк” АТБ томонидан 75 млрд сўм миқдорида кредит ажратилган.

Қарор ижросини таъминлаш мақсадида корхона томонидан вилоятдаги бўш турган ва паст қувватда фаолият юритаётган паррандачилик хўжаликлари билан кооперация асосида парранда боқиш йўлга қўйилмоқда.

Энг муҳими, ушбу корхонада 100 та янги иш ўринлари яратилди. Ҳозирда ишчиларнинг умумий сони 400 дан ортиқни ташкил этади.

^{Фото: Микрокредитбанк}

Маълумот учун, “Микрокредитбанк” АТБ томонидан жорий йил бошидан буён тадбиркорлик субъектларининг инвестицион лойиҳаларини молиялаштириш учун 8 та лойиҳага жами 63 млрд сўмдан ортиқ кредит маблағлари ажратиб берилди.

2025 йилда 10,4 млрд дона (2024 йилга нисбатан 103,8 фоиз) тухум ва 850 минг тонна (105,3 фоиз) тирик вазнда парранда гўшти етиштириш режалаштирилган.

Ҳамкорлик асосида