Ўзбекистоннинг расмий захира активлари миқдори март ойида 33,26 миллиард доллардан 32,67 миллиард долларга (589,1 млн. долларга) камайди. Бу ҳақда Марказий банк хабар бермоқда
Валюта захиралари $13,14 млрддан $13,01 млрдга ($132,4 млнга) пасайди.
Захиралардаги олтин ҳажми 11,2 млндан 11,4 млн. троя унцияга кўпайди. Қимматбаҳо металлнинг нархи бир ой ичида 4,5% га ёки $1765,10 дан $1685,35 гача камайди. Қайта баҳолаш натижасида олтин захиралари 19,73 миллиард доллардан 19,28 миллиардга ($450,9 млнга) камайди.
Ўзбекистоннинг расмий захира активлари "Қарз олишнинг махсус ҳуқуқлари" (Special Driwing Rights - SDR) дан ташкил топган. Бир ой ичида унинг ҳажми 383,1 млн. доллардан 377,2 млн. долларга камайди.
Эслатиб ўтамиз, феврал ойида олтин нархининг пасайиши ҳисобига Ўзбекистоннинг расмий захира активлари $1,05 млрдга камайган эди.
Тасодифий хабарлар
Қишлоқ қурилиш банк ҳам норезидентларга хизмат кўрсатиш шартларини қатъийлаштирмоқда
Банклардаги вакансиялар. 200 дан ортиқ бўш иш ўрни мавжуд
ЎзСаноатқурилишбанк "Tashkent city" худудида қурилаётган Бош офис биноси бўйича маълумотларни тақдим этди