2024 йилнинг якунларига кўра, Капиталбанк депозитлар бозорида ўз позицияларини мустаҳкамладı. Шундай қилиб, бир йил ичида жисмоний шахслар депозитлари ҳажми 37,2% га ўсиб, рекорд даражадаги 21,38 трлн сўмни ($1,66 млрд) ташкил этди. Кредит портфели 6,3% га ўсиб, 31,6 трлн сўмни ($2,45 млрд) ташкил этди, шу билан бирга муаммоли кредитлар улуши 4,5% ни ташкил этди, бу эса Ўзбекистон банк сектори ўртача кўрсаткичидан пастдир.

Капиталбанкнинг соф фойдаси ҳисобот даврида 8% га кўтарилиб, 1,8 трлн сўмни ($142,9 млн) ташкил этди. Банкнинг активлари 13,4% га ўсиб, 47 трлн сўмни ($3,6 млрд) ташкил этди, бу эса банкнинг мамлакат бозоридаги барқарорлигини ва мижозлар ишончини тасдиқлайди. Рентабеллик кўрсаткичлари юқори даражада сақланиб қолмоқда: ROE 36,7%, ROA 4,1%, CIR 34,8%, бу эса юқори операцион самарадорликни кўрсатади.

Кўп йиллар давомида Капиталбанк мамлакатнинг етакчи молиявий муассасаларидан бири бўлиб келмоқда, асосий кўрсаткичларнинг юқори ўсиш суръатларини сақлаб қолмоқда. Ҳар бир рақам орқасида аҳоли молиявий фаровонлигини ошириш, янги маҳсулотлар ва рақамли банк хизматларини жорий этишга қаратилган катта ишларнинг натижаси туради. 2024 йил охирида Капиталбанк мамлакатнинг тизимили аҳамиятга молик банклари рўйхатига киритилди. Тизимий аҳамиятга молик банкларнинг тўлов қобилияти, фақат молиявий тизимнинг барқарорлигини эмас, балки миллий иқтисодиётнинг умумий барқарорлигини мустаҳкамлашда муҳим роль ўйнайди. Бу Капиталбанкнинг Ўзбекистоннинг финтех саноатидаги ишончлилигини тасдиқлайди, — деди "Капиталбанк" бошқаруви раиси Кирилл Маэвский.

Капиталбанк Ўзбекистоннинг энг йирик хусусий банкларидан бири бўлиб, 23 йилдан ортиқ вақт давомида кенг молиявий хизматлар спектрини таклиф қилмоқда. Банк 2 миллиондан ортиқ чакана мижозлар ва 100 000 дан ортиқ компаниялар ҳамда тадбиркорларга хизмат кўрсатади. Банкнинг тармоғи мамлакатнинг барча ҳудудларини қамраб олган ва 100 дан ортиқ филиал ва офислардан иборат бўлиб, банкоматлар сони 1,5 мингдан ортиқ.