Капиталбанк халқаро Top Employer Institute’дан сертификат олган биринчи ўзбек банки бўлди. Бу банкнинг HR жараёнлари халқаро стандартларга мослигини тасдиқлайди.

Top Employer Institute ва BDO халқаро аудиторлик компанияси ҳамкорликда Капиталбанкнинг HR бизнес жараёнлари ва ходимлар билан ишлаш амалиётларини халқаро стандартларга мослигини текширди. Аудитинг натижалари бўйича Капиталбанк Top Employer сертификатини олган биринчи ўзбек банки бўлди.

Маълумот учун, Top Employer Institute ─ бу 30 йилдан ортиқ вақт давомида энг яхши иш берувчиларни сертификатлаштириш билан шуғулланадиган халқаро ташкилот. 2024 йилда ташкилот томонидан 122 мамлакатдаги 2 303 та компанияга сертификат берилди.

"Капиталбанк жамоасида 20 йилдан ортиқ вақт давомида мамлакатнинг етакчи банк ва молиявий ташкилотлари раҳбарлари ўз йўлларини бошлаган. Ўтган йилда биз ўз таълим марказимизни — Kapital Academy’ни очдик. Унда бир қатор таълим дастурларини амалга оширдик ва, энг муҳими, HR соҳасида тажриба ва энг яхши амалиётлар билан ўртоқлашишни йўлга қўйдик. Бу лойиҳа банкнинг 100 дан ортиқ филиал ва бўлимларида меҳнат қилаётган 3400 дан ортиқ ходимлар учун профессионал ривожланиш имкониятини яратди, дея таъкидлади Капиталбанк бошқаруви раиси Кирилл Маевский.

2024 йилда Kapital Academy ички бизнес-тренерлар томонидан деярли 5000 соат ўқув машғулотлари ўтказилди. Ташкилот бизнесни трансформасия қилиш бўйича етакчилик дастури, “Топ-500” кадрлар заҳираси дастури, фронт-офис, контакт маркази ва софт-коллекшн бўйича ўқув машғулотларни амалга оширди. Шунингдек, тренингдан кейинги кузатув корпоратив таълимнинг стандарт қисмига айланди.

Kapital Academy personal’ни ривожлантиришда бизнес-ўйинлар, стратегик ва жамоавий сессиялар, шунингдек, 2024 йилда ишлаб чиқилган 40 дан ортиқ муаллифлик тренингларини қўллади. Ходимлар учун масофавий ўқув имкониятини яратиш мақсадида мобиль илова жорий қилинди. Бу иловадан интернетсиз ҳам фойдаланиш мумкин.

2024 йилнинг охирида Капиталбанк раҳбарияти банк ривожланиш стратегияси ва корпоратив маданиятини белгилайдиган янги асосий қадриятларни тақдим этди. Янгиланган тамойиллар лидерлик, ҳамкорлик, жасорат ва ишончлиликни ўз ичига олади ҳамда банкнинг кучли ва барқарор жамоа яратишга интилишини намоён қилади.