2024 йил давомида жамоат транспортларида банк карталари орқали амалга оширилган транзакциялар сони 146,5 млнга етган. Бу 2023 йилга нисбатан 71,5 фоизга кўпроқ ҳисобланади. Бу ҳақда ATTO 2024 йил бўйича натижаларида маълум қилди.

Банк карталари орқали амалга оширилган транзакциялар транспорт карталарини (140 млн транзакция) ортда қолдирган. 2023 йилда аксинча, транспорт карталари бу борада устун бўлганди.

^{Манба: ATTO}

Шунингдек, автобусларда мобил QR-тўловлар 177,4 фоизга, метродаги QR-тўловлар эса 157,6 фоизга ўсган. Тошкент шаҳрида автобуслардаги транзакциялар 52,6 фоизга ўсган. Метрополитенда эса ўсиш бироз пастроқ - 11,6 фоизни қайд этган.

^{Манба: ATTO}

Умуман 2024 йил давомида жамоат транспортларидаги транзакциялар сони 38 фоизга ўсиб, 510,5 млнтага етган.

^{Манба: ATTO}

Маълумот учун, Тошкентда 2025 йил 1 январдан бошлаб автобусларда нақд пул қабул қилиш амалиёти тўхтатилди. Нақд пул орқали автобусларда ҳаракатланиш учун бекатлар яқинида ўрнатилган барча тўлов қурилмалари яъни, Paynet, MultiPay ва Oson инфокиоскалари орқали бир марталик чипта харид қилиш мумкин бўлди.