Yangi Bank 2024 йилни 31,9 млрд сўм зарар билан якунлаган. Бу ҳақда банкнинг молиявий ҳисоботида маълум қилинди.

2024 йилнинг сўнгги чорагида банкнинг активлари 73 млрд сўмга ёки 24 фоизга ортган ҳолда салкам 377 млрд сўмга тенг бўлган. Шунингдек, банкнинг мажбуриятлари ҳам 88,6 млрд сўмга ёки 72,3 фоизга кўпайган ва 211,2 млрд сўмгача етган. Бироқ банкнинг жами капитали тўртинчи чоракда 15,6 млрд сўмга камайган ва 165,5 млрд сўмни ташкил қилган.

Yangi bank 2023 йилни 2,5 млрд сўмдан кўпроқ зарар билан якунлаганди. Банкнинг жами капитали йил давомида 16,2 фоизга камайган. Активлар эса йиллик 88,15 фоизлик ўсишни қайд этган.

Қайд этиш лозимки, банкнинг устав капитали эса 200 млрд сўм экани кўрсатилган. "Банклар ва банк фаолияти" тўғрисидаги қонунга киритилган ўзгартиришларга биноан 2024 йилнинг 1 апрелидан тижорат банклари устав капиталининг энг кам миқдори 350 млрд сўм, 2025 йилнинг 1 январидан эса 500 млрд сўм этиб белгиланган.

Yangi Bank 2024 йилнинг 1 апрел санасидан кучга кирган талабни ҳозирга қадар бажармасдан келмоқда.