Ҳозирда бир нечта банклар UZCARD ва HUMO карталарини бепул тарзда тақдим этмоқда. Ушбу карталар депозит талаб қилмайди, шунингдек, маҳаллий тўловлар учун бирмунча қулай тўлов воситаси ҳисобланади.

Шунингдек, айрим банкларда депозитга маблағ сақлаш талаб қилинмайдиган Visa ва Mastercard карталарини очиш мумкин.

Қуйида банклар бўйича бепул ва депозит талаб қилмайдиган карталар рўйхати тақдим этилади:

• ANORBANK: UZCARD DUO, UZCARD KIDS (банкдан кредит олганлар ёки омонат очганлар учун);
• Асакабанк: Mastercard Platinum;
• APEXBANK: HUMO, UZCARD;
• Asia Alliance bank: HUMO Junior;
• Гарант банк: Kids card HUMO, Kids card UZCARD;
• Davr Bank: Mastercard;
• Hamkorbank: HUMO;
• Ипак Йўли банки: UnionPay Classic, Visa Start Sum, UZCARD DUO, HUMO (онлайн буюртма берганда бепул);
• Ипотека банк: Student Card (олийгоҳ ҳамкорлигида), Junior UZCARD/HUMO (ота-онаси Ипотека банк картаси эгаси бўлса);
• Капиталбанк: Visa Sum, HUMO Kids;
• Mybank: UZCARD/Mastercard kobeyjing, Visa Platinum, Visa Classic, HUMO;
• Smartbank: Смартбанк дебет картаси (Visa/HUMO);
• TBC Bank Uzbekistan: Salom Card HUMO;
• Tenge Bank: Болалар картаси, Mastercard World, UZCARD DUO;
• Трастбанк: HUMO, UZCARD;
• Uzum Bank: Visa debet kartasi;
• Универсалбанк: UZCARD;

Эслатиб ўтамиз, амалдаги тартибларга кўра, катталар учун карта очишда шахсни тасдиқловчи ҳужжат, болалар учун карта очишда эса боланинг туғилганлик ҳақида гувоҳномаси ва отаси (ёки онаси)нинг шахсни тасдиқловчи ҳужжати керак бўлади.

Изоҳ: Мазкур маълумотлар банкларнинг расмий веб-сайтларидаги маълумотлар асосида тузилган. У ёки бу банк бўйича қўшимча маълумотлар маълум бўлиб қолганда мазкур мақолага ўзгартириш киритилиши мумкин.

Карта очишнинг батафсил шартлари билан банкларнинг алоқа марказларига қўнғироқ қилиб ёки банк офисларига ташриф буюрган ҳолда танишиш мумкин.