Универсал банк устав капиталини 500 млрд сўмга етказди

20.12.2024 17:40

542

"Универсал банк" акциядорлик тижорат банки қўшимча акциялар чиқариш ҳисобига ўз устав капиталини 500 млрд сўмга етказди. Шу тариқа, банк устав капитали 2025 йил 1 январдан тижорат банкларининг устав капиталига қўйиладиган минимал талабга жавоб беради.

^{Фото: Универсал банк}

Универсал банк устав капиталини 500 млрд сўмга етказди. Бу ҳақда банк матбуот хизмати Bankers.uz'га маълум қилди.

2024 йил бошида Универсал банкнинг устав капитали 300 млрд сўмни ташкил қилганди.

"Банклар ва банк фаолияти" тўғрисидаги қонунга киритилган ўзгартиришларга биноан 2025 йилнинг 1 январидан тижорат банклари устав капиталининг энг кам миқдори 500 млрд сўм этиб белгиланган.

Шу тариқа, декабрь ойида Универсал банк ушбу қонун талабини бажарган ҳисобланади.

Эслатиб ўтамиз, "Банклар ва банк фаолияти тўғрисида"ги Қонуннинг 54-моддасига асосан банк устав капитали миқдори банк устав капиталининг энг кам миқдорига нисбатан белгиланган талабга мувофиқ эмаслиги "қўпол қоидабузарлик" сифатида малакаланади.

Теглар:

#универсалбанк#Устав_капитал

Улашиш:

Янгиликларни Телеграм каналимизда кузатиб боринг