Ипак Йўли Банки IFC билан 42 миллион АҚШ долларигача миқдорда кредит олиш тўғрисида келишув имзолади

^{Фото: Ипак Йўли Банки}

Жаҳон банки гуруҳининг аъзоси ва энг йирик глобал тараққиёт институти ҳисобланган Халқаро молия корпорацияси билан тузилган мазкур битим Ўзбекистонда кичик бизнес ва аёл тадбиркорлар учун молиявий маблағлардан фойдаланиш имкониятларини оширишга қаратилган.

^{Фото: Ипак Йўли Банки}

Ушбу келишув доирасида ажратилган маблағнинг 25 фоизи аёллар бошқарадиган хусусий корхоналарни қўллаб-қувватлашга йўналтирилади, шунингдек, кичик ва ўрта корхоналарнинг ривожланишига ҳамда янги иш ўринлари яратилишига кўмаклашади.

Янги битим 2018 йилда бошланган IFC ва Ипак Йўли Банки ўртасидаги мустаҳкам ҳамкорликни яна бир бор тасдиқлайди.