AloqaBank “ICTWEEK UZBEKISTAN 2024” доирасида Visa Infinite картасини тақдим қилди

^{Фото: Алоқабанк}

Тошкентдаги CAEx кўргазмалар мажмуасида “ICTWEEK UZBEKISTAN 2024” ахборот технологиялари ҳафталиги бўлиб ўтмоқда. Aloqabank ҳафталик доирасида ўзининг бир нечта янги маҳсулотлари, жумладан, Zoomrad Business, Aloqa Business ва Visa Infinite тақдимотини ўтказди. 

^{Фото: Алоқабанк}

Намойиш қилинган маҳсулотлардан бири — Visa Infinite юқори даражадаги хизматлар ва индивидуал ёндашувни қадрловчи мижозлар учун ишлаб чиқилган премиум карта бўлиб, ундан саёҳат ва кундалик ҳаётда аэропортлардаги CIP залларга кириш, суғурта, шахсий консйерж ва бошқа мақсадларда фойдаланиш мумкин. 

^{Фото: Алоқабанк}

Карта молиявий афзалликлардан ташқари, юқори даражадаги хавфсизлик ва фавқулодда вазиятларда қўллаб-қувватлашни таъминлайди.