Халқ банкида етакчи тадбиркор аёллар билан учрашув ўтказилади

^{Фото: Халқ банки}

Тадбиркор аёлларни қўллаб-қувватлаш жамият иқтисодий ривожланишини рағбатлантиришда муҳим ўрин тутади. Уларнинг бизнесга янги ғоя, инновация ва ёндашувларни олиб кириши бозорда хилма-хиллик ва рақобатбардошлик муҳити ошишига кўмаклашади. 

24-май куни Халқ банкида ҳамкор тижорат банклар билан биргаликда “Аёллар тадбикорлигини қўллаб-қувватлаш” мавзусида тадбиркор аёллар билан учрашув бўлиб ўтади. Унда:

• Аёллар тадбиркорлигини ривожлантириш, уларни қўллаб-қувватлаш ва фаолиятини кенгайтириш бўйича семинар-тренинглар
• Хотин-қизларга яратилган имконият ва мавжуд кредитлар, банк маҳсулотлари тўғрисида тақдимотлар
• Ўз бизнесини йўлга қўйган тадбиркор аёлларнинг билим ва тажрибалари билан танишиш режалаштирилган.

Тадбирда Оффиcе Маркет, Декос, МФактор каби муваффақиятли лойиҳалар асосчиси, таниқли тадбиркор, бизнес-тренер Ҳасан Мамасаидов меҳмон сифатида иштирок этиб, бизнесдаги узоқ йиллик тажрибалари билан бўлишади.

Иштирок этиш истагини билдирган тадбиркор хотин-қизлар (94)617-82-08 рақами орқали рўйхатдан ўтишлари мумкин.