Президент бир неча банк соҳаси вакилларини мукофотлади

^{Фото: Президент матбуот хизмати}

Президентнинг тегишли фармони билан Ўзбекистон Республикаси мустақиллигининг 33 йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳи мукофотланди. Хусусан, мукофотланганлар орасида банк соҳаси вакиллари ҳам қайд этилган.

^{Агробанк бошқарув раиси Рустам Маматкулов}

Жумладан, Бизнесни ривожлантириш банки бошқарув раиси Сахи Аннакличев ҳамда Агробанк бошқарув раиси Рустам Маматкулов "Дўстлик" ордени билан тақдирланди.

^{Бизнесни ривожлантириш банки бошқарув раиси Сахи Аннакличев}

Шунингдек, Марказий банки раисининг биринчи ўринбосари Нодирбек Сайдуллаев "Содиқ хизматлари учун" медали билан, Марказий банки раисининг яна бир ўринбосари Аброрхўжа Турдиалиев "Шуҳрат" медали билан мукофотланди.

^{Марказий банки раисининг биринчи ўринбосари Нодирбек Сайдуллаев}

^{Марказий банки раиси ўринбосари Аброрхўжа Турдиалиев}

Бундан ташқари, Ўзсаноатқурилишбанкнинг Юнусобод филиали бошқарувчиси Санжарбек Юсупов ҳам "Шуҳрат" медалига лойиқ кўрилган.

^{Ўзсаноатқурилишбанк Юнусобод филиали бошқарувчиси Санжарбек Юсупов}