Иллюстратив фото: Bankers.uz
Яқинлашиб келаётган Мустақиллик байрами муносабати билан ўзбекистонликлар кетма-кет 4 кун дам олади. 1 сентябрь — Ўзбекистон мустақиллиги куни 2024 йилда якшанба — дам олиш кунларига тўғри келиши муносабати билан ушбу дам олиш куни 2 сентябрь, душанба кунига кўчирилади. Бу Президентнинг 2024 йилда қўшимча дам олиш кунларини белгилаш бўйича фармонида кўрсатиб ўтилган.
Шундай қилиб, Мустақиллик байрамида дам олиш кунлари кетма-кетлиги қуйидагича бўлади:
- 31 август, шанба — ҳафтасига 6 кун ишлайдиганлар учун қўшимча дам олиш куни, 5 кунликлар учун одатий дам олиш куни;
- 1 сентябрь, якшанба — Ўзбекистон мустақиллиги куни;
- 2 сентябрь. душанба — кўчирилган дам олиш куни;
- 3 сентябрь — барча учун қўшимча дам олиш куни.
Юқоридагиларга кўра, иш кунидан қатъий назар, барча ўзбекистонликлар Мустақиллик байрами муносабати билан кетма-кет 4 кун дам олишади.
Эслатиб ўтамиз, Меҳнат кодекси 187-моддасига биноан, ишланмайдиган байрам кунлари арафасида ҳар кунлик ишнинг (сменанинг) давомийлиги барча ходимлар учун камида 1 соатга қисқартирилади.
Тасодифий хабарлар
Марказий банк Тошкент шаҳар Бош бошқармасига бошлиқ тайинланди
HUMO тўлов тизимининг олти ойлик соф фойдаси ўтган йилга нисбатан 51 фоизга ўсди
Kaspi.kz HUMO тўлов тизимини сотиб олишга қизиқиш билдираётганини маълум қилди