Ўзсаноатқурилишбанк Чакана бизнес департаменти директори лавозимига ишга таклиф қилмоқда

^{Фото: Ўзсаноатқурилишбанк}

"Ўзсаноатқурилишбанк" акциядорлик тижорат банки Бош офиси Чакана бизнес департаменти директори лавозимига номзодларни танлов асосида таклиф этаётганини маълум қилди.

Депаратамент директори бевосита қуйидаги вазифаларни бажаришга масъул бўлади:

• Стратегик режалаштириш ва ривожлантириш: чакана бизнес стратегиясини ишлаб чиқиш ва амалга ошириш, бозор ва рақобат муҳитини таҳлил қилиш, янги лойиҳалар ва маҳсулотларни бошлаш ва бошқариш;
• Маҳсулот ва хизматларни бошқариш: маҳсулот портфелини ишлаб чиқиш ва оптималлаштириш, маҳсулотларнинг молиявий натижаларини таҳлил қилиш;
• Маркетинг ва сотиш: маркетинг ва реклама компанияларини ишлаб чиқиш ва амалга ошириш, сотиш режаларини тузиш ва амалга ошириш;
• Молиявий назорат: бюджет тайёрлаш ва ижросини назорат қилиш, харажатларни бошқариш.

Номзодга қуйидаги талаблар қўйилган:

• Иқтисодиёт, молия ёки менежмент йўналишидаги олий маълумот;
• Банкнинг чакана бизнес йўналишида бўлган раҳбар лавозимларида камида 5 йиллик иш тажрибаси;
• Чакана бизнес маҳсулотлари ва хизматларини билиш;
• Банк соҳасидаги замонавий технологиялар ва тенденцияларни билиш.

Резюмеларни hr@sqb.uz электрон манзилига юбориш мумкин.