Марказий банкнинг расмий сайти янада такомиллаштирилди

^{Фото: Pixelcraft}

Марказий банкнинг расмий сайти банк-молия сектори учун веб сайт ечимлари таклиф қилишда етакчилардан бўлган Pixelcraft компанияси томонидан янада такомиллаштирилди (модернизация қилинди). Регулятор сайтининг ҳозирги кўриниши ҳам ушбу компания томонидан ишлаб чиқилган ва 2020 йил апрель ойида ишга туширилганди.

Жорий модернизация Марказий банк фаолиятининг шаффофлигини ошириш мақсадида амалга оширилгани таъкидланди. Ўзгаришлар асосан "Пул-кредит сиёсати" бўлимида ва унинг кичик бўлимларида бўлган:

• Банклараро пул бозори;
• Банклараро РЕПО бозори;
• Банк тизими умумий ликвидлиги
• Овернайт валюта кредити;
• Валюта кредит аукционлари.

^{Фото: Pixelcraft}

Юқоридаги ҳар бир кичик бўлим учун вазифаларнинг аниқ рўйхати, шу жумладан янги компонентлар билан тўлдирилди:

• Кўп хусусиятларга эга маълумотлар базасини (ахборот блокини) ишлаб чиқиш;
• Сайтнинг умумий қисмидаги маълумотлар базасидан жадвал маълумотларини чиқаришни таъминлаш учун компонентни ишлаб чиқиш;
• "Сана бўйича фильтрлаш" компонентини ишлаб чиқиш (маълум бир давр учун маълумотлар блокининг маълумотларини фильтрлаш механизми);
• "Маълумотлар базасидан олинган маълумотлар асосида динамик графикни қуриш" субмодулини ишлаб чиқиш;
• Сайт маъмури учун шахсий ҳисобни ишлаб чиқиш: .xlsx файли ёрдамида маълумотларни автоматик юклаш (импорт қилиш) модули.

Шундай қилиб, модернизация жадвал кўринишида тақдим этилган пул-кредит сиёсати бўлимларининг эски маълумотлари билан ишлашни сезиларли даражада яхшилайди, қулай ва илғор интерфейс туфайли фойдаланувчиларга керакли маълумотларни осонгина топишга ёрдам беради. Шунингдек, янги функция фильтр қилиш ва топилган маълумотларни машина ўқий оладиган форматга (.xlsx) экспорт қилиш имконияти билан қидирувни амалга оширади, бу эса қўшимча вақт сарфламасдан, таҳлилий ва визуализация дастурлари ёрдамида маълумотларни солиштириш ва таҳлил қилиш имконини беради.

^{Фото: Pixelcraft}

Ишланиши керак бўлган маълумотлар ҳажми доимий равишда ошиб бораётгани, маълумот қанчалик кўп бўлса, уни қайта ишлаш шунчалик қийин бўлиши инобатга олинди. Шунинг учун тақдим этилган маълумотларни визуализация қилишнинг қўшимча механизми - интерактив график кўринишида амалга оширилди. Маълумотларни визуал тарзда кўрсатиш уларни кўриш, таҳлил қилиш ва ўрганиш, улар асосида тўғри қарор қабул қилиш учун камроқ вақт ва куч сарфлаш имкон яратади. Диаграммада вақт рамкалари, диаграммани кўрсатиш созламалари, чизиш асбоблари, техник таҳлил учун тўплам ва маълум вақт оралиғидаги маълумотларни кўрсатиш учун фильтр кабилар бўлган асбоблар панели мавжуд.

^{Фото: Pixelcraft}

Сайт хавфсизлигига қўйиладиган талабларнинг кучайиши ва "Киберхавфсизлик маркази" ДУК тавсияларига мувофиқ, потенциал таҳдидларнинг янги турларига қарши курашиш учун CMS "1C-Битрикс: Сайтни бошқариш" мунтазам равишда янгилаб борилади. Янгилаш тўплами 1C-Битрикс дастурий таъминот маҳсулотларининг барча жорий яхшиланишлари ва такомиллаштиришларини, шунингдек улар учун янги функцияларни ўз ичига олади. Марказий банк ахборот хавфсизлиги масалаларига умуман катта эътибор қаратиб, унга риоя қилиш бўйича кенг кўламли чора-тадбирларни амалга оширмоқда.