Акциядорлик-тижорат "Халқ банки"да ҳам бир гуруҳ ходимлар “Ўзбекистон Республикаси мустақиллигининг 30 йиллиги” эсдалик нишони билан тақдирланди. Ушбу муносабат билан банк бош офиси биносида ходимларни тақдирлаш маросими бўлиб ўтди.

^{Фото: Халқ банки матбуот хизмати}

Тақдирлаш маросимида Банк бошқаруви раиси Ш.Атабаев қатнашиб, эсдалик нишонларини ўз эгаларига топширди.

Эслатиб ўтамиз, куни кеча, Президентнинг тегишли Фармони асосида Халқ банки Бошқаруви раиси ўринбосари Гулзода Рашидова “Шуҳрат” медали билан тақдирлангани ҳақида хабар берган эдик.