"Капиталбанк" АТБнинг рақамли филиали "Apelsin" ўзининг веб версиясида Mastercard-Moneysend карталари орасида пул ўтказмаларини йўлга қўйди.

Ҳозирча ушбу хизмат тест режимида йўлга қўйилган. Шу сабабли 30 сентябргача ўтказмалар учун ҳақ олинмайди: 0%.

Пул ўтказмаларини МДҲ, Шарқий Европанинг 24 мамлакатига, жумладан Озарбайжон, Россия, Болгария, Чехия, Полша, шунингдек, Туркия ва Исроилга ҳам амалга ошириш мумкин.

Пул ўтказмалари миқдорига оид чекловлар мавжуд:

• 1 марталик ўтказмада 2500 еврогача;
• 1 кунлик ўтказмада 7500 еврогача;
• 1 ойлик ўтказмада 25000 еврогача.

Apelsin мобил иловасининг Андроид тизимида фойдаланувчилари сони 1 млн дан ортиқ.

Эслатиб ўтамиз, Apelsin Bankers.uz томонидан тузилган банклар мобил иловалари рейтингида 1 ўринни эгаллаган эди.