Иллюстратив фото: Bankers.uz
“Асакабанк” АЖ Кузатув Кенгашининг 2024 йил 5 февралдаги қарорига мувофиқ, банк акциядорларнинг навбатдан ташқари умумий йиғилиши 2024 йил 27 февраль соат 15:00 да банкнинг Тошкент шаҳар, Нукус кўчаси 67-уй манзилида жойлашган бош офиси биносида ўтказилади.
Йиғилиш кун тартибидан қуйидаги масалалар ўрин олган:
- “Асакабанк” АЖнинг 2024 йил учун мўлжалланган бизнес режасини тасдиқлаш;
- “Асакабанк” АЖнинг Уставига киритилаётган ўзгартириш ва қўшимчаларни тасдиқлаш;
- “Асакабанк” АЖнинг бир қатор ички норматив ҳужжатларига киритилаётган ўзгартириш ва қўшимчаларни тасдиқлаш;
- 2024 йил учун “Асакабанк” АЖ Бошқарувига тўланадиган ҳақ ва унинг энг юқори миқдорини белгилаш;
- “Асакабанк” АЖ балансида ҳисоби юритилаётган кредит қарздорликлари эвазига банк балансига қабул қилинган мол-мулкларни “Асакабанк” АЖ устав капиталидаги давлат улушини камайтириш ҳисобига Давлат активларини бошқариш агентлиги балансига ўтказиб бериш масаласини кўриб чиқиш;
- “Асакабанк” АЖ Бошқарувининг Банкнинг “умидсиз” активларини ундириш бўйича қўлланган чора-тадбирлар тўғрисидаги ҳисоботи;
- “Асакабанк” АЖнинг балансдан ташқари ҳисобварақларига ўтказилганига 5 йилдан ошган, бугунги кунда ундирилиши истиқболсиз бўлган активларни ҳисобдан чиқариш;
“Асакабанк” АЖ акциядорларининг навбатдан ташқари умумий йиғилиши тўғрисида банк акциядорларига хабар бериш учун тузиладиган реестр санаси – 2024 йил 5 февраль. Умумий йиғилишда қатнашувчи акциядорлар реестрини тузиш санаси – 2024 йил 21 февраль қилиб белгиланган. Умумий йиғилиш кун тартибидаги материаллар билан, 100015, Тошкент шаҳри, Нукус кўчаси 67 уйда жойлашган Асакабанк бош офиси биносида танишиш мумкин: Тел. (78) 147-65-65 (11-32).
Корпоратив муносабатлар хизмати.
Тасодифий хабарлар
«Fitch» Ўзбекистон банкларининг активлари сифатининг ёмонлашишини прогноз қилмоқда
Самарқандлик миллиардер Хуршид Тўраевнинг компанияси тўлов ташкилоти сифатида рўйхатдан ўтди
Март ойида муаммоли кредитлар миқдори 750 млрд сўмга кўпайди