Туронбанк акциядорларининг навбатдан ташқари умумий йиғилиши бўлиб ўтади

^{Фото: Туронбанк}

"Туронбанк" акциядорлик тижорат банки Кенгаши банк акциядорларининг навбатдан ташқари умумий йиғилиши 2023 йил 26 декабрь куни соат 11:00 да Тошкент шаҳри, Шайхонтоҳур тумани, Абай кўчаси, 4а уй манзилида бўлиб ўтишини маълум қилди.

Йиғилиш кун тартибидан қуйидаги масалалар ўрин олган:

1. Банк акциядорларининг навбатдан ташқари умумий йиғилиши саноқ комиссияси шахсий таркибини тасдиқлаш;
2. "Туронбанк" АТБ акциядорларининг навбатдан ташқари умумий йиғилишининг регламентини тасдиқлаш.
3. "2023-2027 йилларда "Туронбанк" АТБнинг ривожланиш стратегияси"ни тасдиқлаш.
4. "Туронбанк" акциядорлик тижорат банкининг янги ташкилий тузилмасини тасдиқлаш.
5. "Туронбанк" АТБ Кузатув кенгаши аъзоларини мукофотлаш тўғрисидаги Низом"га ўзгартиришлар киритиш тўғрисида.
6. "Туронбанк" АТБнинг манфаатлар тўқнашувини бошқариш Сиёсати"ни янги таҳрирда тасдиқлаш.

Банк акциядорлари ва улар номидан вакиллар 2023 йил 26 декабрь куни соат 10:00 дан бошлаб юқорида кўрсатилган манзилда рўйхатга олинади.

Йиғилишни ўтказиш бўйича қўшимча ахборот ҳамда унда кўриладиган ҳужжатлар билан қуйидаги манзилга ва телефон рақамларига мурожаат қилиш орқали танишиш мумкин: "Туронбанк" АТБ Бош офиси (Тошкент шаҳри, Абай кўчаси, 4а уй) ҳамда банкнинг барча филиаллари, www.turonbank.uz, телефонлар: +998 95 144-60-00; 202-01-01; 202-70-70.