“Асакабанк” АЖ Кенгашининг 2023 йил 28 сентябрдаги қарори мувофиқ, 19 октябрь куни банк акциядорларининг навбатдан ташқари умумий йиғилиши бўлиб ўтади.

Йиғилиш кун тартибидан 8 та масала ўрин олган:

1. 2023-молия йили бўйича Асакабанкда аудиторлик текширувини ўтказиш учун ташқи аудитор ташкилотини белгилаш, ушбу ташкилотнинг хизматларига тўланадиган энг кўп хақ миқдорини белгилаш;
2. Асакабанкнинг 2023 йил учун мўлжалланган бизнес режасига киритилаётган ўзгартириш ва қўшимчаларни тасдиқлаш;
3. Вазирлар Маҳкамасининг 2023 йил апрелдаги №05/1-29-22-сонли топшириғини кўриб чиқиш;
4. “Асакабанк Кенгаши тўғрисида”ги Низомга ўзгартириш ва қўшимчалар киритиш;
5. “Асакабанк АЖ Бошқаруви тўғрисида”ги Низомга ўзгартириш ва қўшимчалар киритиш;
6. “Асакабанкнинг манфаатлар тўқнашуви вақтида ҳаракат қилиш тартиби тўғрисида”ги Низомни бекор қилиш;
7. “Асакабанк фойдасини тақсимлаш ва фойдаланиш тартиби тўғрисида”ги Низомни бекор қилиш;
8. “Асакабанк тизимида мол-мулкларни балансга қабул қилиш, реализация қилиш ва ҳисобини юритиш” Тартибини тасдиқлаш.

Акциядорлар умумий йиғилиши 19 октябрь куни банкнинг Тошкент шаҳри, Нукус кўчаси 67 уйда жойлашган бош офисида бўлиб ўтади.