Андижон вилоятида тижорат банкидан 5 млрд сўм имтиёзли кредит олиб беришга уринган шахслар қўлга олинди. Тезкор тадбир Бош прокуратура ҳузуридаги Департамент ҳамда ДХХнинг Андижон вилояти бошқармалари ҳамкорлигида ўтказилди.

Департамент хабарига кўра, фуқаро И.А. ва бошқалар тадбиркор С.Я.нинг ишончига кириб, унга ҳудудий тижорат банкида ишловчи танишлари ёрдамида имтиёзли кредит олиб бериши эвазига 22 000 АҚШ долларини олган вақтида ашёвий далиллар билан ушланган

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.