Фото: Tenge Bank
"Тенгебанк" АТБ бир қанча йўналишларда ёш мутахассисларни, хусусан 4 босқич талабаларини ишга таклиф қилмоқда.
Банк матбуот хизматининг ёзишича, банкда қуйидаги йўналишларда ишлайдиган мутахассисларга талаб бор:
- Банк секторини ўрганиш ва бизнес жараёнлари билан танишиш;
- Чакана бизнес йўналишидаги мижозларга хизмат кўрсатиш;
- Чакана хизматлар ва банк маҳсулотларини сотиш ҳамда харидорларни жалб қилиш.
Банк томонидан қўйилаётган талаблар:
- Маълумот: олий иқтисодий (банк иши, молия ёки математика йўналишларида тугалланмаган олий бўлиши ҳам мумкин);
- Аъло даражадаги мантиқий фикрлаш (тест синовлари орқали текширилади);
- Рус ва ўзбек тилларини билиш.
Молия ташкилоти томонидан
- Душанбадан жумага қадар соат 9:00 дан 18:00 га қадар бўлган иш жадвали;
- Барқарор иш ҳақи (амалиётни муваффақиятли тугаллагандан кейин);
- Иш жараёнидаги корпоратив таълим ва тренинглар;
- Банкда ривожланиш учун ажойиб имкониятлар;
- Молиявий саводхонликни ўрганиш, турли савдо нуқталарида ишлаш, ривожланиш дастурларида иштирок этиш, малака ошириш;
- Аҳил жамоа;
- Иш натижасига кўра ойлик рағбатлантириш (KPI);
- Амалиётни тажрибали банк мутахассислари қўлида ўташ имконияти ваъда қилинмоқда.
Қизиққан бўлажак банк ходимлари ўзлари тўғрисидаги маълумотномани (CV) ни hr@tengebank.uz манзилига юборишлари мумкин.
Хабарда бўш иш ўринлари сони ҳамда талабгорлар учун ойлик маош миқдори очиқланмаган.
Тасодифий хабарлар
Халқ банки ва Микрокредитбанк устав капитали оширилади
Давр банк Тошкент шаҳрида "HUMO" карталарни бепул етказиб бериш хизматини йўлга қўйди
"Халқ банки"нинг уч нафар ходими меҳнат фаолияти вақтида ҳалок бўлгани тасдиқланди