Марказий банк маълумотларига кўра, жорий йил июль ойи якуни бўйича банк тизимида муаммоли кредитлар ҳажми 1 трлн 440 млрд сўмга кўпайди. Кредит портфели ҳажми 6,5 трлн сўмдан зиёдга кўпайган ва банк тизимининг жами кредит портфели 430,2 трлн сўмни ташкил қилмоқда. 1 август ҳолатига муаммоли кредитларнинг жами кредитлардаги улуши эса 3,7 фоизга етган (+0,28%).
Давлат банкларидаги NPL кўрсаткичи 0,07 фоизга камайиб, 3,92 фоизни ташкил қилмоқда. Ой давомида муаммо кредитлар ҳажм жиҳатдан Асакабанк (+193,0 млрд сўм), Ўзсаноатқурилишбанк (+87,3 млрд сўм), Ўзмиллийбанк (+87,3 млрд сўм) нисбатан кўпайган. Агробанк, Халқ банки, Қишлоқ қурилиш банкларда муаммоли кредитлар ҳажми камайган.
Давлат улуши устувор бўлмаган банклардаги NPL кўрсаткичи 0,86 фоизга кўпайиб, 2,98 фоизни ташкил қилмоқда. Ипотека-банк (+1 017 млрд сўм), Капиталбанк (+45 млрд сўм), Трастбанк (+33 млрд сўм) ларда нисбатан кўпроқ муаммоли кредитлар ўсиши кузатилган.
Биргина Ипотека-банк муаммоли кредитлари миқдорининг (+1 017 млрд сўм) ойлик ўсиши NPL кўрсаткичи ҳисобот даврида кўпайган жами банклар муаммоли кредитлари миқдоридан икки баравар кўпроқ.
3 та банк — Ўзагроэкспортбанк (96,9%), Равнақ банк (80,5%) ҳамда Мадад инвест банк (14,9%) да NPL кўрсаткичи 2 хонали рақамда қолмоқда.
Тасодифий хабарлар
Ўзбекистонда "Ягона трансчегаравий пул ўтказмалари" тўлов тизими фаолияти йўлга қўйилади
Қозоғистон Халқ банки раҳбари Умут Шаяхметова Хорижий инвесторлар кенгаши йиғилишида иштирок этди
Бретт Кингнинг "Банк 4.0" китоби ўзбек тилида нашр қилинди