Ўзмиллийбанк Самарқанддаги заводни 115,8 млрд сўмга сотувга қўйди

"Ўзмиллийбанк" АЖ Самарқанд вилояти Оқдарё туманида жойлашган сояни қайта ишлаш заводи биноси ва ускуналари ҳамда ҳайвонлар озуқаларини ишлаб чиқариш ускуналарини сотувга қўйди. Савдо e-auksion электрон платформасида бўлиб ўтади.

Лотнинг бошланғич нархи 115,77 млрд сўмни, закалат миқдори эса 1,58 млрд. сўмни ташкил қилади.

^{Фото: e-auksion.uz}

Объект Самарқанд вилояти Оқдарё тумани Пўлатдархон МФЙ Қирқдархон мавзеси 2-уйда жойлашган. Ер участкасининг умумий майдони 3 гектар, бино умумий майдони эса 11 214,57 кв. метрдан иборат.

Мажмуада сув, электр таъминоти бор. Газ ва канализация тармоғи мавжуд эмас.

Аукцион жорий йилнинг 13 июль куни соат 10:00 да бошланади ҳамда аризалар шу куни соат 09:00 га қадар қабул қилинади.

^{Фото: e-auksion.uz}

Объект Ўзмиллийбанк Самарқанд филиалидан "YUNUSJON AHLI" МЧЖга берилган кредит маблағлари учун гаровга қўйилган. "YUNUSJON AHLI" МЧЖ ҳозирда тугатилган. Ушбу объектга бўлган мулк ҳуқуқи "Ўзмиллийбанкка" ўтказилган.