Давр банк бошқарув раисига ўринбосар тайинланди

^{С.Назаров / Фото: Ижтимоий тармоқлар}

"Давр банк" хусусий акциядорлик тижорат банки Кузатув кенгашининг тегишли қарорига асосан Самаржон Сидиқович Назаров банк бошқаруви раиси ўринбосари - юридик хизмат департаменти директори лавозимига тайинланган. Бу ҳақда Ягона корпоратив ахборот порталида маълум қилинди, хабарни С.Назаровнинг ўзи Bankers.uz'га тасдиқлади.

С.Назаров 1985 йил туғилган, маълумоти - олий, Мирзо Улугбек номли Ўзбекистон Миллий университетини тамомлаган. Банк тизимидаги меҳнат фаолиятини 2009 йил Ўзмиллийбанк филиалларидан бирида бошлаган. 2010-2017 йилларда ХАТБ "Давр банк"да турли лавозимларда ишлаган. 2017 йилдан буён хусусий секторда фаолият юритиш билан бир қаторда Давр банк Кузатув кенгаши аъзоси сифатида фаолият юритиб келган.