"Ziraat Bank Uzbekistan" АЖга янги бошқарув раиси тайинланди

^{Фото: Ziraat Bank Uzbekistan}

"Ziraat Bank Uzbekistan" АЖ Кузатув кенгаши йиғилишининг 2023 йил 23 апрелдаги қарорига асосан Волкан Гюлдюрмез жорий йил 1 майдан эътиборан банк бошқаруви раиси лавозимига тайинланган. Бу ҳақда Ягона корпоратив ахборот порталида ҳамда банк телеграм каналида маълум қилинган.

Волкан Гюлдюрмез 1982 йил Туркия Республикасида туғилган. 2006 йил Измир Эйюл Универститетини бакалавр босқичини, 2013 йил Байкент Университетини магистр босқичини тугатган.

Меҳнат фаолиятини 2008 йил Туркиянинг "Ziraat Bankasi" AS мутахассиси сифатида бошлаган. Кейинчалик ушбу банкда турли лавозимларда, хусусан 2017 йилдан буён "Ziraat Bankasi Moscow" АЖда ишлаган.