Микрокредитбанк Хусусий Секторни ривожлантириш Ислом корпорацияси билан битим имзолади

^{Фото: MKBANK}

"Микрокредитбанк" АТБ ва Хусусий Секторни ривожлантириш Ислом корпорацияси (ХСРИК) ўртасида кичик ва ўрта бинзнесни ривожлантирш мақсадида 30 млн АҚШ долларлик Молиялаштириш линияси битими имзоланди. Бу ҳақда банк расмий сайтида хабар берилди.

Хусусий Секторни ривожлантириш Ислом корпорацияси MKBANK билан 10 йилдан буён ўзаро ҳамкорлик алоқаларини ўрнатиб келмоқда. Ўтган йиллар давомида 22 млн АҚШ доллари бўлган иккита Молиялаштириш линияси банкка жалб қилиниб, линия маблағлари ҳисобидан жами 33 та инвестицион лойиҳалар молиялаштирилган.

Навбатдаги ҳамкорлик эса банк томонидан жалб қилинган учинчи битим ҳисобланади.

Маълумот ўрнида, ХСРИК 1999 йилда ташкил этилган бўлиб, Ислом тараққиёт банки гуруҳининг (ИТБ) аъзоси ҳисобланади.