Гарант банк ва Тошкент давлат иқтисодиёт университети ўртасида ҳамкорлик меморандуми имзоланди

 Гарант банк ва Тошкент давлат иқтисодиёт университети ўртасида ҳамкорлик меморандуми имзоланди

Фото: Гарант банк

2023 йил 3 март куни "Карьера куни" тадбирлари доирасида "Гарант банк" АЖ ва Тошкент давлат иқтисодиёт университети ўртасида ҳамкорлик Меморандумини имзолаш маросими бўлиб ўтди. Бу ҳақда банк расмий телеграм каналида маълум қилинди.

Имзолаш маросимида банк бошқаруви раиси Аброр Мухамедханов ҳамда университет ректори Конгратбой Шарипов иштирок этдилар. Хабарда айтилишича, меморандумни имзолашдан мақсад, таълим соҳасидаги ҳамкорликнинг самарали шаклларини ривожлантириш бўйича кенг имкониятлар ва лойиҳаларни яратиш бўйича қўшма дастурларни амалга оширишга қаратилган узоқ муддатли, самарали ва ўзаро манфаатли ҳамкорликни йўлга қўйиш ҳисобланади. Шунингдек, томонлар банк соҳасида юқори малакали кадрлар тайёрлашга ҳам келишиб олдилар.

×