“Ўзбекистон Республикасининг айрим қонун ҳужжатларига аҳолининг санитария-эпидемиологик осойишталигини таъминлашга қаратилган ўзгартишлар ва қўшимча киритиш тўғрисида”ги Қонун Президент томонидан имзоланди.
Қонун билан Меҳнат кодексининг 113-моддасига ходим карантинли ва юқумли касалликлар таҳдиди бўлганда Бош давлат санитария врачи қарори асосида профилактик эмлашдан ўтишни рад этса (қарши кўрсатма мавжуд бўлмаганда) иш берувчи уни ишга қўймасликка ҳақли эканлигига оид қўшимча киритилди.
“Фуқаролар соғлиғини сақлаш тўғрисида”ги Қонунга киритилган қўшимчага кўра карантинли ва хавфли юқумли касалликлар тарқалиши таҳдиди бўлганда Бош давлат санитария врачининг қарори асосида аҳолини профилактик эмлашдан ўтказиш жорий этилиши белгиланди.
Қонун расмий эълон қилингандан сўнг кучга киради.
Эслатиб ўтамиз, юртимизнинг баъзи банкларида коронавирусга қарши ихтиёрий жамоавий эмлаш тадбирлари бошланганлиги ҳақида хабар берган эдик.
Тасодифий хабарлар
Микрокредитбанк раҳбарияти вакиллари Сирдарёдаги тадбиркор хотин-қизлар билан учрашди
Микрокредитбанк бош офиси биноси қайта сотувга қўйилди
Нобанк ташкилотлар исломий молиялаштириш хизматларини кўрсатиши мумкин