Нуфузли халқаро рейтинг агентликларидан бири — "Moodys Investors Service" Агробанк рейтингини оширди. Бу ҳақда агентлик ҳисоботида маълум қилинган.

Хусусан, банкнинг узоқ муддатли маҳаллий ва хорижий валютадаги депозит рейтинглари "B1" дан "Bа3" га кўтарилган. Бу — Ўрта Осиё Банклари (BCA)нинг "b2" даражасидан икки поғона юқори демакдир. Агентлик ушбу рейтинг кўтарилиши Ўзбекистон бўйича суверен рейтинг ҳаракати натижасида амалга ошганлигини ва банкнинг Ўзбекистон ҳукумати томонидан қўллаб-қувватланиш эҳтимоли жуда юқори эканлигини қайд этган.

Узоқ муддатли банк депозитлари рейтингининг ижобий томонга ўзгариши, Moodys нинг Агробанк кредит профиллари келгуси 12-18 ой ичида ўзгармас бўлиб қолишини ва суверен рейтингнинг барқарор кўрсаткичини акс эттиради.

Шунингдек, банкнинг узоқ муддатли маҳаллий ва хорижий валютадаги Контрагент Риск Рейтингларини (CRR) "B1" дан "Bа3" га янгилаш ва узоқ муддатли Контрагент Рискни Баҳолаш (CR баҳолаш) "B1" (cr) дан "Ba3" (cr) га янгилаш мамлакатнинг маҳаллий ва хорижий валюта чегараларини "Ba2" ва "B1" дан "Ba1" ва Bа3" га ўзгариши билан мутаносиб руй берган, дейилади рейтинг ҳисоботида.