"Ипак Йўли" банки Яккасаройдаги меҳмонхонани сотувга қўйди

"Ипак Йўли" банки Яккасаройдаги меҳмонхонани сотувга қўйди

Тошкентнинг Яккасарой туманида жойлашган меҳмонхона онлайн савдога қўйилди. Савдо e-auksion электрон платформасида бўлиб ўтади.

Меҳмонхонанинг дастлабки баҳоси 26 млрд. сўмни ташкил қилади.

Хабарга кўра, Кушбеги мавзесидаги 4 қаватли Aman Hotel меҳмонхонаси сотувга қўйилган. Актив "Ипак Йўли" банки раҳбарияти қарорига кўра сотилмоқда.

Бино 18 сотих ер майдонига эга, 4185 кв. метр майдони фойдали майдон сифатида кўрсатилган. Меҳмонхонанинг 70 дан ортиқ хоналари, жумладан хизмат хоналари ва яшаш хоналари бор.

Аукцион 6 февраль соат 10:00 да бўлиб ўтади.

Бино "Ипак Йўли" АТИБ Яккасарой филиали балансида турибди. Банк кредит тўловлари ўз вақтида тўланмагани учун кредит ундирувини гаров таъминотига қаратган ва Aman Hotel биносини ўз балансига олган.

×