Асосий/Сўнгги янгиликлар/Самарқандлик миллиардер Хуршид Тўраевнинг компанияси тўлов ташкилоти сифатида рўйхатдан ўтди

Самарқандлик миллиардер Хуршид Тўраевнинг компанияси тўлов ташкилоти сифатида рўйхатдан ўтди

Самарқандлик миллиардер Хуршид Тўраевнинг компанияси тўлов ташкилоти сифатида рўйхатдан ўтди

Ўзбекистонда 41-тўлов ташкилотини рўйхатдан ўтказилди. Марказий банк бошқарувининг қарорига мувофиқ, “TAPP PAYMENT” масъулияти чекланган жамиятига тўлов ташкилоти фаолиятини амалга ошириш учун лицензия берилди.

xurshid_torayev.jpg
 
Хуршид Тўраев
Фото-скриншот: youtube.com/c/JahongirLatipov

"TAPP PAYMENT" МЧЖ самарқандлик миллиардер, кўп тармоқли бизнес эгаси Хуршид Тўраевга тегишли (80%). Компьютер дастурлаштириш соҳасида фаолият олиб борувчи компаниянинг бошқа муассислари сифатида Муслима Фазилова ҳамда Элъдар Мустафаев (ҳар бирида 10% дан) кўрсатилган.

 
Манба: stat.uz

Хуршид Тўраев таъсисчилигидаги яна бир ширкат — "SXF-TEChNOLOGY-INVEST" МЧЖ Ўзбекистонда фаолият кўрсатаётган "Tapp&Buy" маркетплейсига эгалик қилади. Янги тўлов ташкилоти ушбу маркетплейсда тўловларни амалга ошириш мақсадида ташкил қилинган бўлиши мумкин.

Tapp Payment'нинг тўлов ташкилоти лицензиясини олиши келажакда унинг рақамли банкка айланишидаги қадамлардан бири саналади.

"Қозоғистондаги Kaspi кейсига эътибор қилган бўлсангиз, IPO'да 25 млрд. доллар сармоя жалб қилди. Биз Ўзбекистондаги Kaspi бўлмоқчимиз... Биз Kaspi, Wechat'га ўхшаган экотизим яратмоқчимиз"

Компания эгаси Хуршид Тўраев

Жорий йилнинг 31 март куни YouTube'даги Жаҳонгир Латипов каналида эълон қилинган интервьюда Хуршид Тўраев Tapp.uz лойиҳаси учун ўша вақтга қадар 1,5 млн. доллар сарфлаганини, йил охирига қадар хусусий банк очишни режалаштираётганини таъкидлаган. Интервьюда Х.Тўраев ўзининг бизнеслари тўғрисида гапириб берган. Хусусан, Самарқанд шаҳридаги "Самарқанд Сити" қурилиш лойиҳаси, қурилиш соҳасидаги бошқа бизнеслар, савдо мажмуалари ҳамда IT ширкати тўғрисида айтиб берган.

Теги Samarqand Tapp.uz