Иқтисодий ўсиш суръатларининг жадаллашиб бориши ва нархларни оширувчи омилларнинг сақланиб қолаётганлиги шароитида йил якунига қадар инфляция даражасини 10 фоизгача пасайтириш ва келгусида 5 фоизлик инфляцион таргетга эришиш мақсадида Марказий банкнинг асосий ставкаси йиллик 14 фоиз даражасида ўзгаришсиз қолдирилди. Бу қарорга келишда бир нечта йўналишдаги омиллар ҳам таъсир қилганлиги ҳақида Марказий банк тақдим этган пресс-релизда кўриш мумкин.
Ўзбекистон Республикаси Марказий банки "Банк омонатлари ёрдамида жамғармаларни шакллантириш" мавзусидаги энг яхши дарс ишланмаси бўйича ўқитувчилар учун танлов эълон қилмоқда. "Молиявий саводхонлик бўйича энг яхши дарс" танлови "Бутунжаҳон жамғариш куни" доирасида ўтказилиб, умумтаълим муассасалари ўқитувчиларнинг молиявий маданиятини ривожлантириш ва мактаб ўқувчиларининг жамғарма соҳасидаги молиявий саводхонлигини ошириш мақсадида ташкил этилмоқда.
Мазкур бот ёрдамида номзодлар суҳбат жараёнигача бўлган барча босқичлар (резюмелар таҳлили, дастлабки саралаш савол-жавоблари, тест синовлари)дан онлайн тарзда ўтиш имкониятига эга бўлмоқдалар. Маълум қилинишича, бот орқали шу кунгача 4000 дан ортиқ номзод очиқ танловда иштирок этган ва 33 нафари ишга қабул қилинган.
Марказий банк раҳбарияти Халқаро валюта жамғармасининг Ўзбекистондаги миссияси раҳбари Рон Ван Руден бошчилигидаги делегация вакиллари билан учрашди. Учрашув давомида делегация аъзоларига Ўзбекистоннинг пул-кредит сиёсати ва банк тизимида амалга оширилаётган ислоҳотлар ҳақида батафсил маълумот берилди.
Бугун, 9 сентябрь куни Марказий банк Бошқарув йиғилиши асосий ставка бўйича қарор қабул қилди. Йиғилишда ҳозирда амалда бўлган 14 фоизлик асосий ставка ўзгаришсиз қолдирилди.
Марказий банк томонидан Ўзбекистон Республикаси давлат Мустақиллигининг ўттиз йиллигига бағишланган олтин ва кумушдан тайёрланган эсдалик тангалари сотувга чиқарилди. Эсдалик тангаларни 30 августдан бошлаб, тегишли банкларнинг филиалларида сотиб олиш мумкин.
